NAPULO ka mga beteranong local solo artists ug acoustic bands ang naghiusa sa konsiyerto nga gitawaf og “Folk and Country Jam 2018’” sa The Industry resto-bar sa J. Center Mall, akbayan sa Mandaue karong Sabado, Enero 13, alas 7:30 sa gabii.
Usa kini sa mga konsiyerto nga dili angay pakyason human sa talagsaong panaghiusa sa usa ka konsiyerto sa mga inilang ug beteranong lokal nga dekalidad nga mga maglilingaw nga modala kanato sa musika sa kagahapon samtang mobira sa mga pinili nga kanta sa bag-ong panahon.
Ang mopasundayag: Adventures band, gilangkobana nila ni Glenn Cañete sa keyboards, Calvin Maturan sa Bass, Noel Villarba sa Acoustic Guitar, ug George Castro sa Drums; Teddy and Pat, folk singers; PR band, gilangkoban nila ni Poly sa Acoustic Guitar, Philip Chua sa Acoustic Guitar, Rey Cabatingan sa Bass Guitar; Garry Loy Dante, solo artist; Loy Cinco, solo artist; G - EXTREM band; The Buddies, gilangkoban nila n Martin Andales sa Guitar, Jojo Pino sa Drums, Jojo Ancajas sa Bass, Boy Acelo sa Keyboards & Guitar; The Humming Birds band; ug Armand Pineda, solo artists.
Gitumong ang konsiyerto sa pagbuhi sa folk and country music sa lokal nga kalingawan sa Sugbo ug ang pagsuporta sa mga local folk singers. Dunay entrance fee nga P350.00 ug uban na niini usa ka libre nga ilimnon. Sa dugang kasayoran bahin sa “Folk and Country Jam 2018’, kontak kang Noel Villarva sa mosunod nga telepono no. 0927-970-000 ug 0923-166-800. (PR)