NAGBAHAD ang Davao City Transportation and Traffic Management Office (CTTMO) nga padayon ang ilang pagdakop sa mga mosupak sa anti-jaywalking bisan og mag-ulan.
Gitin-aw ni CTTMO head Dionisio Abude sa paghinabi kagahapon nga ang mga enforcers mopatuman sa Anti-Jaywalking ordinance ulan man o di.
"We won't have any [letup] in our implementation even during rains or hot weather. For as long as there is a violation seen by enforcers, they will implement. In case they have not brought their issued raincoat, they will really get wet in the implementation. We will have normal apprehensions even whatever the weather is," bahad ni Abude.
Gikanayon sa opisyal nga base sa ilang rekord, nakadakop na sila og 19,000 ka mga jaywalkers.
Gawas sa anti-jaywalking nga balaod, ang CTTMO nakatala sab og 31,000 ka mga masinupakon nga mga drayber.
Sumala ni Abude, 25,000 ka drayber nakabayad na sa ilang multa didto sa City Treasurer's Office nga nagpasabot nga 5,000 wala pa makabayad. (KVC)