Indigenous sports mas hatagan pagtagad sa PSC

MANILA - Ang Indigenous sports ang mas hatagan og pokus gikan sa Philippine Sport Commission (PSC) karong tuiga human gianunsyo ni PSC Chief William Ramirez atol sa PSC's Directional Meeting nga nagsugod niadtong Lunes nga ang board ipadayon ang Indigenous Games sa nagkadaiyang lugar sa nasud.

Si Commissioner Charles Raymond Maxey, oversight commissioner sa Indigenous Games, naghanyag nga himoun institutional ang proyekto sa paghimo og regular item sa matag tuig nga plano sa ahensya.

Kini gipa-aprubahan sa mga miyembro sa board kinsa anaa sa maong panagpulong.

"The law mandates us to nurture our culture. This is a perfect way to merge sports and culture", esplikar ni Ramirez.

Iyang gipasabot ang mipanaw nga si Mona Sulaiman, taga-Cotabato, kinsa mihimo og marka sa atleta atol sa 60's samtang si Bana Sailani, kinsa Badjao nga midaug og bronze sa tulo ka Asian Games, Igorot Jason Balabal kinsa Southeast Asian Games gold medalist ang mga atleta 'achievers' gikan sa nagkadaiyang 'indigenous groups.'

Ang unang events sa Indigenous Games' 2018 edition himuon sa Mindanao alang sa unang quarter sa tuig dayon sundan kini nga ipahigayon sa Visayas ug Luzon sa sunod nga quarter.

Gi-esplikar ni Maxey nga tumong sa IG ang pagpromorar og kultura nga nasunod sa mga lumad aron mapreserba ang ilang tradisyunal nga isports ug duwa.

Ang torneyo gihimo sa milabay nga tuig sa Ifugao isip kabahin sa 'gender equality program' sa PSC ubos sa opisina ni Commissioner Celia Kiram. (PR)