MAS dakong premyo ang naghulat sa mokampeyon sa 10th Kidapawan Open Chess Championship sa Pebrero 3 ug 4, 2018 didto sa Kidapawan Convention Center sa Kidapawan City.
Kidapawan Chess Club, Incorporated (Inc.) president Dr. Ted P. Calica, sa gipadalang statement, miingon, "For this year's tourney, we have increased the champion's purse to P25,000. Grandmaster (GM) Darwin Laylo and GM-elect Ronald Dableo, and IM (international master) Oliver Dimakiling."
Ang runner-up mobulsa og P20,000 samtang ang sunod nga duha ka puwesto mouli og P15,000 ug P10,000. Ang ikalima hangtud ikanapulo makakuha sab og premyong kuwarta.
Ang best kiddie, junior ug best female players dunay madawat nga medalya.
Matud ni Calica nga karong tuiga torneyo usa ka "extra special" diin kini ang ika-napulo tuig sa Kidapawan Open Chess Championship ug ang siyudad sa Kidapawan mag-selebrar og 20th founding anniversary.
Nagpasalamat siya sa lokal gobyerno sa maong siyudad pinaagi ni Mayor Joseph Evangelista kinsa misuporta sa matag tuig nga kompetisyon.
"We extended invitations to top chess players in the Philippines to participate in this event and we are glad that GMs Laylo and Dableo and IM Dimakiling have expressed their readiness to do battle with the local chess players of Mindanao," ni Calica nga naglaum daghan pa chess masters ang makigtigi.
Ang mga milabay nga kampeyon, matud niya mao sila IM-elect ug pambato lokal Edgar Reggie Olay, GM Oliver Barbosa, IM Dimakiling, ug Davao City's Reynaldo Gempero, Jr., uban pa samtang si Dabawenyo Jason Salubre maoy defending champion.
Dugang ni Calica nga si Mindanao national masters Bob Jones Liwagon, Alexander Lupian ug Macacuna Macala mas mohatag og surprisa sa duwa.
Gilaumang moabot sa 100 chess players mopakita og aksiyon sa chessfest nag gi-organisa sa Kidapawan Chess Club, Inc. ug Batch 85-Notre Dame of Kidapawan for Boys ug Girls HS Alumni Association Incorporated.
Nagpadayon ang rehistrasyon sa kantidad P400 sa mga moduwa gikan gawas sa Davao City.
Kini abli alang sa tanang Pinoy, tanang edad, rated or non-rated, lalaki o babaye, nagpuyo sa nasud samtang ang mga nagpuyo sa Kidapawan mobayad lang og P200.
Ang deadline sa pagpalista karong Pebrero 3, sa mga interasado ikontak kini Calica (0947-0226007/(064)577-5746), Michael Vic Artieda (0946-0104180) o Chief Arbiter Alfred Moulic (0942-3844915).