"THE deepest and most sacred of human rights is the expression of deeper faith." Kini mao ang mensahe sa Obispo sa Diyosesis sa Bacolod, Patricio Buzon.
Ang Sinulog Festival nga gipahinungod alang sa balaang bata, Sto. Niño, maoy bugtong saksi sa mas pinakataas nga pagpadayag sa pagtoo sa mga Kristiyano. Kay ang maong gihuptan nga pagtoo pinaagi niining Sinulog Festival duyog sa mga kaigsuonan diha sa pagtoo (Katoliko, Orthodox o Protestante) naghatag kanato sa mas lawom ug sagrado nga katungod aron magdala og dakong paglaum, inspirasyon sa atong kinabuhi.
Pinaagi niining seryoso nga pagsaksi sa kapistahan ni Sto. Niño, nahimo kining kasaulogan isip "a faithful's source of communion". Matud pa ni Arsobispo Palma nga "The feast of Santo Niño is about the care and stewardship of creation" nga mao sab ang gihisgutan ni Pope Francis sa iyang encyclical, Laudato Si.
Si Arsobispo Palma nanawagan sa tanang matuohon ngadto sa batang Jesus nga unta undangan na ang mga kinaiya sa pakiglumba o pakigkompetensiya tali sa uban kon dili makighiusa ug magtinabangay kita sa usag-usa aron magkailhanay ang matag usa isip anak sa Magbubuhat.
"Let us stop competing against each other but rather appreciate each one as God's children. Let us collaborate with each other so as to find progress and peace," dason ni Arsobispo Palma.
Matud pa kasaysayan, ang pagkakaplag sa imahen nga kahoy ni Senyor Santo Niño sa usa ka sundalo ni Miguel de Lopez de Legazpi mao ra nga imahe nga gituohan sa atong mga historians nga gitunol ni Ferdinand Magellan ngadto kang Queen Juana sa Sugbu sa iyang pagkakabig ngadto sa pagkakristiyano ug nabunyagan niadtong tuig 1521.
Human kini nadawat, iya kining gisayaw aron sa pagdayeg ug pagpasalamat sa gamay'ng batang Jesus. Giila kining maong sayaw sa atong mga historians isip "The country's first liturgical dance" nga nahitabo sa kasaysayan dinhi sa Pilipinas.
Ang pagtuo ngadto sa Santo Niño pinaagi sa sayaw kun sinulog nikuyanap sa ubang lugar. Dako kaayo ang natabang sa pagpalawom sa atong pagtoo labi na sa mga Pilipino ang presensiya sa mga relihiyusong grupo sa Augustinian didto sa lain-laing lugar sa Cebu.
Nasayud ba kita nga si Papal Legate Ildebrando Cardinal Antoniutti maoy nag-corona sa batang Santo Niño icon didto sa Santo Niño Church sa Sugbu (Cebu) ug si Pope Paul VI niadtong 1964 nihatag sa titulo isip "Basilica Minore".
Usa ka Obispo Patrick Dunn midayeg sa mga Pilipino isip "bearers of faith throughout the world". Nga ang mga Pilipino lawom ang pagpadayag sa ilang gugma, kalig-on ug kusog aron masangyaw ug mailhan ang batang Santo Nino dili lang sa ubang nasud kon dili hangtud sa tibuok kalibutan.
Laing Obispo nga si Oscar Florencio, Leyte, nakasaksi sab sa lawom ug lig-on nga pagpadayeg sa pagtoo ngadto sa Santo Niño nga gipakita sa mga Cebuanos. "The sinulog is a testament of the admirable display of faith of the Cebuanos to Santo Niño" sa iyang mensahe human nakakita sa nagbagang duot sa mga magtutuo.
Siya miingon sa iyang homiliya, "Nakita nako nga buhi kaayo ang pagtoo nga dili abstract but dunay buhat" dugang pa niya "Faith nga dili lang sa hunahuna but sa kasingkasing ug sa buhat tinabangan sa grasya sa Ginoo".
Pinaagi niining paghandom sa kasaulogan sa kapistahan ni Sr. Santo Niño, mas modaghan pa unta ang pagtoo sa Diyos nga moturok ug motubo sa matag pamilya ug katilingban. Taliwala sa kalisud ug gibug-aton sa mga problema nga gisagubang, magpabilin untang buhi kanunay kining maong lawom nga pagtoo.
Ang matag usa unta nato, ma-bata man o hamtong, makakat-on ug makapuyo unta sa mga birtud ni Sr. Santo Niño nga maluluy-on, manggihunahunaon, mapasayluon, mapaubsanon, mahigugmaon ug manggihatagon ngadto sa mga kabus ug timawa.
Viva Pit Senyor! Amen!
(comment/feedback-09109006290)