GIPAHIGAYON ang hiniusang paglusad sa SM Store ug PayMaya Philippines niadtong January 19 sa Mesa Restaurant, SM Seaside Cebu diin makahatag og benepisyo sa matag kustomer pinaagi sa 10% rebate sa tanan nga gipamalit gamit ang PayMaya QR.
Ang Sm Store ug PayMaya Philippines nag-usab og pamaagi sa shopping experience dinhi sa Pilipinas ug usa kini ka bag-ong kampanya aron makahatag sa dugang nga kasayon ??ug kalipay sa mga maunongong kustomer.
Si Paolo Azzola, Managing Director ug COO sa PayMaya Philippines mibutyag nga aron sab kini makadasig sa mga Sugboanon nga makasinati sa kasayon nga pamaagi sa cashless.
“We think that this is really the game changer in allowing the customer the best shopping experience,” matod ni Azzola.
Aron makapahimulos niini amahimong ablihan ang PayMaya app, pinaagi sa pag tap sa ‘Scan” nga button ug itudlo lang ang mga telepono sa mga espesyal nga QR codes nga gipakita sa SMART”s Mobile Play lanes aron kini makumpleto ang transaksyon.
Ang PayMaya nagtanyag sa pasiuna nga promo diin ang mga mamalitay makakuha og 10% nga diskuwento hangtod sa 100 kada sanga sa kada adlaw nga ilang mga gipamalit sa higayon nga mobayad kini gamit ang PayMaya QR.
Gikan sa Enero 15 ngadto sa Abril 15 2018 sa matag P1000 nga paggasto sa mga mamalitay mamakakuha sab kini sa higayon nga makadaog sa usa ka unit sa iPhone X apan sa Cebu SM Store branches.
Kauban sa mga nagpasundayag ani mao sila Evelyn Lim, Vice President of Operations, SM Store Visayas 1 ug Branch Manager sa SM Store Visayas 1 nga si Erich Lim.
Ang pag-download sa PayMaya app ang pamaagi aron sa pagkuha og PayMaya account. Kinahanglan nga magparehistro sa account gamit ang bisan unsang numero gikan sa Philippine mobile network.
Kinahanglan i-load ang account niani sa bisan asa sa sobra sa 15,000 nga PayMaya load-up touchpoints sa tibuok nasud ug gamiton ang “Scan” QR feauture sa sulod sa app aron pagdali sa pagbayad alang sa ilang mga gipamalit.
Aduna sab mga account holders nga pwede gihapon makarga sa PayMaya accounts apil ani ang 7-Eleven, ExpressPay, TouchPay kiosks, Palawan Pawnshops, Shopwise, Wellcome, 2Go outlets, mga istasyon sa Petron ubay sa NLEX ug Smart Padala centers, ingon man pinaagi sa UnionBank ATMs ug RCBC retail online banking.
Si Chelo Monasterio, SM Store President, niingon nga malipayon sa bag-ong pamaagi karon nga mas dali para sa shoppers. (Mary Diane Salasayo, USJ-R Intern)