NAKAKUYOG na sab ko sa Sinulog support float sa MLhuillier diin ang featured celebrity ang gitawag nga “leading man ng bayan” nga si Empoy Marquez. Nahinumdom ko nga pwerte gyud nga sabaa sa mga tawo sa niaging tuig diin si Jericho Rosales ug iyang anak nga si Santino ang nisakay sa float.
Wa ko magpaabot nga grabe gihapon makasinggit ang mga tawo alang kang Empoy. Maayo sab siya mosakay sa sitwasyon. May higayon nga mosayaw si Empoy dungan sa beat sa singgit sa iyang ngalan.
Iya usab tangtangon ang iyang shades ug ipabudlat iyang mata. Mag-flying kiss pod siya. Kining tanan gisukli-an og singgit ug pakpak sa mga tawo.
Funny si Empoy pero ang iyang kuyog, arte. Kini ang mobalibad kon may hangyo nga magpapiktyur uban sa komedyante.
Samtang sigeng pahiyom si Empoy ug kaming mga kauban, ang kauban sige pod nagmug-ot. Nganong ni-enter?
Si Empoy ang bag-ong bida sa commercial sa ML Kwarta Padala pero di pa ipahibalo kon unsay concept. Idolo diay ni Empoy sila si Charlie Chaplin, Mr. Bean, Dolphy ug Rene Requiestas.
Gusto niyang makapares si Kaye Abad ug nangandoy siyang mahatagan og proyekto diin usa ka psycho ang character.
u25cf ● ●
Gawas kang Empoy, nahinabi usab namo ang mga artista sa Kapuso Network nga sila si Dennis Trillo, Lovi Poe, Ruru Madrid, Matt Evans, Miguel Tanfelix ug Bianca Umali. Nipasundayag sila sa lainlaing dapit sa Metro Cebu isip pagduyog sa Pista Senyor.
Si Dennis ug Lovi apil sa teleseryeng The One That Got Away; si Ruru ug Matt sa Sherlock Jr.; ug, si Miguel ug Bianca sa Kambal, Karibal.
Pulos sila nangandoy nga mas mobongga pa ang ilang career karong tuiga.
u25cf ● ●
Nahinabi pod namo ang mga bida sa konsertong 3 Stars, One Heart nga sila si Regine Velasquez-Alcasid, Christian Bautista ug Julie Anne San Jose. Si Paolo Valenciano ang direktor samtang si Raul Mitra ang musical director.
Nindot ang pamaagi ni Paolo diin mas taas nga higayon nga diha sa tablado ang tulo ka mga mag-aawit. Nindot ang pag-ilis-ilis nila sa ilang isigkakanta.
Mao pa kini ang unang higayon nga gipasundayag ang 3 Stars, One Heart ug pangandoy sa tulo nga madala kini sa ubang dapit sa nasud ug sa gawas.
u25cf ● ●
Nibalibad ko sa imbitasyon sa Kapamilya Network sa ilang pasundayag sa Robinson’s Galleria ug sa interview tungod sa kahagip-ot sa panahon ug sa kahuot sa trapiko.
Dinhi sa Cebu ang mga Kapamilya stars nga sila si Coleen Garcia, Kim Chiu, Gerald Anderson, Jake Cuenca, Julia Montes, Aljur Abrenica, Jodi Sta. Maria, Shaina Magdayao ug Richard Yap.