KON makahigayon ka pagbisita sa Iloilo, ayaw kalimot pagbisita sa isla sa Guimaras.
Didto lang nimo makit-an ang ikaduha sa labing karaan nga lighthouse sa nasod.
Ang Faro de Punta Luzaran o mas naila nga Guisi Lighthouse layo man tuod biyahion apan "worth it" usab nga bisitahon.
Usa ka oras kini gikan sa Jordan Wharf sa Guimaras pinaagi sa sakyanan.
Kon aduna kay kaila nga lokal didto sa Iloilo, mas maayo nga dalhon ni nimo aron mas suheto sa bayrunon sa abang sa mga sakyanan.
Niadtong 1857 dihang giplano pa ang pakigbatok sa kadagatan sa Pilipinas ug gipatuman sa sakop sa Engineers for Roads, Canals and Ports.
Usa ang Guisi sa gitukod ug hingpit kini nga napasiga niadtong 1894.
Ang istraktura niini ginama ang prefabricated metals sa nasod sa France, Tisa nga gikan sa Portugal ug semento nga gikan sa England.
Kining 18th century nga Spanish ruin klaro kaayo matag gabii isip giya sa mga marinero nga moagi sa Guimaras Strait.
Way bayad ang pagbisita sa lugar apan adunay lokal nga maoy nagbantay nga naghuwat ra usab og donasyon ug alang sa ilang rekord, aduna kay suwatan sa pagsud sa maong historical site.
Layo tuod siya sa Jordan proper apan ma-amaze ka sa kaanindot sa dagat ubos niini.
Tungod kay klaro kaayo ingon man puti ang bas, gitawag kini nila nga Guisi Beach.
Daghang rock formation ang Guisi Beach, kon plano nga mobisita sa lighthouse, pagdala nalang daan og ilisan aron makaligo ka, libre kini.
Nindot usab ang dapit alang sa prenup nga pictorials.
Kahibaw na ang locals kon asa ni kay usa ni sa apil sa ilang package tours.