SECTIONS
Saturday, July 20, 2019

Sara: Dagmali ayaw ang kinabuhi, dignidad sa tawo

"LET us work together to defend human dignity and promote the full integral development of all people," ang hagit-mensahe ni Pope Francis ngadto sa mga pundok sa mga katawhan ug mga organisasyon.

Gidasig sa Santo Papa ang mga gagmay ug dagkong kristohanong simbahan nga magtambayayong diha sa diwa sa "spirit of communion and cooperation" isip bililhong pagpadayag sa ilang pagtahan alang sa pagtukod og hustisya, kaangayan ug panag-igsuonay nga katilingban aron mapalambo ang kinabuhi.

Ang gagmay'ng kristohanong simbahan maoy igong pundasyon sa pagtabang aron sa pagdala sa kahayag sa Ebanghelyo ngadto sa matag suok sa kalibutan aron mapanalipdan ang dignidad sa tawo ug mapalapnag ang tinuod nga kalamboan sa mga tawo ug labaw sa tanan makab-ot ug matagamtaman ang material ug espirituwal nga panginahanglan sa matag sakop sa pamilya ug katilingban.

"Along with theological issues, we must not lose sight of the big challenges facing the world today. We can and must offer humanity the message of the Bible regarding the care of creation as well as always promote and defend human life," pagpatin-aw pa ni Pope Francis.

Giila ug gitamod pag-ayo sa mga dagkong relihiyon sa kalibutan nga ang kinabuhi sa tawo sagrado ug balaan kay kini bugtong gasa (gift) gikan sa kahitas-an. "God is the God of life, and wants always to promote and defend it," matud pa ni Pope Francis ug dugang niya, "Every human being, as a creature of God, is our brother, regardless of his or her religious affiliation".

Si Cardinal Luis Antonio Tagle, sa laing bahin, naghisgot nga dapat magbantay kita batok sa mga gitawag og "individualistic mindset" nga mga grupo ug organisasyon sa simbahan man o sa gobyerno man nga maoy usa sa mga mangulo aron magkabahinbahin ang mga tawo.

"The church communities must serve as a venue for different gifts to serve the common good and in the spirit of oneness," ang pag-ampo ni Cardinal Tagle, dugang pa niya, "Our conversion to the Holy Spirit is for us to become men and women of communion".

Gilauman sa mga magtutuo nga unta wad-on na ang kinaiya nga pagkamaiya-iyahon kon "individualism" diha sa atong mga gagmay'ng katilingban.

"We have to work together because we have only one Church, one God and one baptism," ang pahimangno sa Obispo sa Borongan Bishop Crispin Varquez.

Pinaagi sa atong sosyal media, maghiusa ta sa paglihok diha sa espiritu sa gugma ug pagtambayayong alang sa pagpanalipod sa kinabuhi sa tawo. Kay ang sosyal media maoy pinakamaayong kusog aron gamiton nato sa kumunikasyon sa kausaban.

Bisan pa man daghan ang mga hulga sa atong gitawag og press freedom, apan ang pagpadayag sa unsay tinuod nga mensahe alang sa pagpahapsay ug pagpadagan alang sa maayo ug tinud-anay nga pagrespeto sa matag dignidad ug kinabuhi.

"The dignity of the individual and the demands of justice require, particularly today, that economic choices do not cause disparities in wealth to increase in an excessive and morally unacceptable manner." (Pope Benedict XVI, Charity in Truth [Caritas in Veritate. no. 32)

Kay katungod sa matag usa aron pagkuha og igong impormasyon ug lakip niini ang pag-inambitay og impormasyon kon freedom of the press. Ang Simbahan sa Katoliko nagpamatuod nga ang kinabuhi sa tawo sagrado ug ang iyang dignidad maoy sukaranan sa moral nga panglantaw para sa sosyedad.

Dinhi nagsugod ang maong dakong hagit tungod kay ang maong pagtoo isip maoy pundasyon sa tanang prinsipyo diha sa pagpanudlo giatake batok sa mga sayop ug dautan nga element sama sa aborsiyon ug lain-laing pamaagi sa pagpatay.

Ang bili sa kinabuhi gihulga pag-ayo sa lain-laing proseso diha sa mga laboratory pinaagi sa cloning ug labaw sa tanan giatake gikan sa natad sa gubat, kagubot ug summary killings.

"Human persons are willed by God; they are imprinted with God's image. Their dignity does not come from the work they do, but from the persons they are. (St. John Paul II, On the Hundredth Year" [... Centesimus annus].)

Busa mag-ampo kita ug magtambayayong kita isip hiniusang katilingban nga panalipdan ug protektahan ang kasagrado nga kinabuhi sa tawo pinaagi diha sa malinawon ug mabungahon nga lihok. Ang tawo mas importante pa sa tanang butang dinhi sa kalibutan, busa atong tabangan nga mapalambo ug maatiman nato ang pagrespeto sa sagradong kinabuhi. Amen. (feedback 09109006290)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph