TAGBUON ni Cebu Governor Hilario Davide III ang mga traffic manager sa Metro Cebu aron hisgutan kon unsaon pagsulbad sa nagkagrabe nga problema sa trapiko sa pipila ka parte sa lalawigan sa Sugbo.
Matod ni Davide nga kinahanglan nga adunay hiniusa nga sistema sa trapiko ang tanang local government units (LGUs) kimi aron hapsay ang dagan sa mga sakyanan pag agi sa mga kadalanan.
“So that we can come up with a really unified system to ensure smooth flow of traffic ug kana pag address sa accidents sa atong mga roads,” Davide nagkanayon.
Tagbuon sa gobernador kining mga high way patrol group, bus operators, truckers, Land Transportation Office (LTO) ug Land Transportation Franchising and Regulatory Board (LTRFB).
Matod ni Davide nga iya usab paminawon ang “inputs” sa mga traffic personnel sanglit mao kini ang suhito sa kadalanan hilabina nga dili usab pareha ang gidak-on sa mga dalan sa Sugbo.
“Naay mga roads nato nga lapad kaayo, naay gamay. Like sa south pananglitan, part diha sa first district lagpad na ‘nya going to second district gamay na lang sa north mao pud,” matod ni Davide.
Dugang ni Davideo nga angayan ipaubos sa training ang mga traffic enforcer ingon man sa seminar kalabot sa pag dumala sa trapiko aron nga hapsay ug dili gubot.
Ang Mega Cebu, matod ni Davide adunay plano nga momugna og academy alang sa mga traffic enforcers aron nga matudloan sa mga angay ug sakto nga pamaagi sa pag dumala sa trapiko hilabina kon nag huot na ang mga sakyanan.
“Kay kadaghanan sa mga enforcer nato, wala mag eskwela og traffic management siguro, most of them mga tanod lang, kaning volunteers, so kinahanglan gyud sila og proper training,” matod ni Davide.
Si Davide nitug-an nga wala pa hinuon siya’y schedule kon kanus-a niya tigumon ang tanang stakeholders sa traffic sa Sugbo apan iyang gikonsiderar nga hinanali kinin nga hisgotan ug sulbaron.