Tigdala og Druga sikop

USA ka Pinay nga Austra­lian Citizen ang nasikop sa kapulisan human kini nasakpan nga nagdala og ka­pin usa ka kilo nga shabu sud sa usa ka hotel sa dakbayan sa Sugbo niadtong Sabado sa buntag.

Ang giingong drug mule o tigdala og drugas naila nga si Dorotea Ausan Moyes, 61, divorced, lumad sa Seriaga Quezon Province nakuhaan sa kapin P11 milyones nga kan­tidad sa shabu.

Apan si Moyes nihimakak sa pasangil kaniya ug namahayag nga wala siya mahibawo sa sulod sa bag nga gisugo sa iyang langyaw nga uyab.

Pasado alas 10:30 sa buntag niadtong Sabado dihang na­kadawat og tawag ang Police Station 2 gikan sa Security Team sa inilang hotel sa Ka­magong, Barangay Lahug kabahin sa usa ka babaye nga nag­patabang kabahin sa sulod sa bag nga dala niini.

Sa pasiunang imbestigas­yon sa kapulisan, nagpata­bang si Moyes sa guwardiya sa maong hotel kabahin sa su­lod sa iyang bag pasado alas 8:00 sa buntag.

Base sa pamahayag niini nga gihatag ngadto kaniya ang maong bag nga aduna’y sulod nga laptop apan wala siya mahibaw sa nakasukip niini nga shabu.

Sa pakighinabi ni Moyes sa SunStar Cebu, nibutyag kini nga gisugo siya sa iyang Irish nga uyab nga giila niini nga Andrew Woods kinsa maoy nasugo niya sa maong bag aron unta dalhon sa nasod sa Japan.

Giingon nga diha gitunol ang bag sa inilang fastfood chain sa General Maxilom Avenue ug aron unta ihatod kini sa boss o agawon sa iyang uyab sa Japan.

Alas 12:00 sa udto unta ang flight ni Moyes paingon sa Hongkong diin connecting kini paingon sa nasod sa Japan.

Base usab sa iyang saysay, upat ka mga langyaw ang nitunol kaniya sa maong bag nga wala siya makaila apan kaila kini niya.

Dihang naabot sa hotel si Moyes nagpatabang kini sa guwardiya ug namahayag kini nga inosente siya ug iyahang uyab nga si Woods mao ang nagsugo kaniya.

Si Moyes usa ka assistant nurse sa Perth, Australia ug matod pa ni Police Insp. Greg Ybiernas, deputy chief sa PS2 nga nipasangil kini nga umaabot nga bana niya si Woods.

Gikuha na sa kapulisan ang kopya sa closed-circuit television (CCTV) copy sa Chowking aron makuha ang kailhanan sa mga langyaw ingon man padayon ang imbestigasyon sa PS2 nga nakig-coordinate na sa Pilippine Drug Enforcement Agency ug immigration.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph