Albor: Binuhatan sa kapolisan giukay

PINANGGA ni Pres. Ro­­drigo Duterte ang ka­­polisan nga maoy gi­tugyanan sa pagpuhag sa drugas ug kriminalidad uban sa PDEA.

Apan dili modupa og makahimog kalapasan. PRO 7 Chief Jose Mario Espino gitangtang human sa pasangil nga nangayog protection money sa mga gambling lords pinaagi sa pagdemanda ngadto sa mga police directors og 500,000 pesos matag semana ug gibalhin sa PRO-Mindanao.

Kasong administratiba gi­pasaka batok sa 10 ka mga polis sa Toledo human na­abtan sa hepe sa CPPO tataw neglect of duty ug AWOL nga ang bug-at nga silot matang­tang sa serbisyo.

Susama kini sa nahitabo sa pipila ka polis sa Talisay. Napolcom 7 mopahamtang og tukmang silot kang PO2 Cyrelle Bayate nga nasakpang nanugal sa Casino nga naka­lapas sa giumol nga balaod sa Pagcor nga gidid-an ang mga polis, sundalo ug mga opis­yal sa gobyerno pagpanugal sa casino nga mao say unod sa Memorandum Circular no. 6 nga pirmado ni Executive Sec. Salvador Medealdea.

Lakip nga nasikop si Konsehal Lemuel Pogoy sa Cordova. Si PNP Chief Ronald dela Rosa nakataktak og 260 ka mga opisyal sa polis sulod sa usa ka tuig. Sa Police Regional Office (PRO) 7 siyam ang gipasakaan og kaso tungod sa wala pagdeklarar sa ilang SALN, 29 gilabay sa Basilan, 58 na­lambigit sa drug trafficking ug illegal gambling.

Sa Cebu City Police Office (CCPO) 55 ang gitaktak ubos sa nagkalain-laing anomaliya ug duna pay lima nga nalambigit sa drugas ug sugal. Sa Cebu Provincial Police Office (CPPO) 36 ang kwestyonabli sa drugas ug sugal, 21 sa Mandaue Police Office ug 23 sa Lapu-lapu Police Office.

Lima ka mga polis sa Talisay girelibohan kay nangilkil. Dihay polis sa Liloan tigsuplay og drugas sa bilanggoan. Hepe sa Consolacion naisyo sa sugal. Hepe sa Barili ug Alcantara girelibohan kay dili maayog agi batok drugas. Sa laing rehiyon dunay 228 ka mga badlongon gibalhin sa Basilan. Gitaktak sa serbisyo ang mga narco-generals nga sila si Joel Pagdilao ug Edgardo Tinio samtang tulo gikasohan nga sila si Marcelo Garbo, Bernardo Diaz ug Vicente Loot.

Si Loot nga mayor na karon sa Daanbantayan nalakip sa 95 ka mga polis sa talaan ni Duterte nga iyang giyagyag atol sa gitambongang kalihokan sa Agusto 16, 2016.

Lain sab tong mga politiko ug huwes nga naa sa maong listahan sa presidente. Lain sab tong nalambigit nga naa sa talaan nga gitugyan ngadto ni Duterte gikan sa mga dinakpang druglords.

Kahinomdoman kadto si Gen. Angelo Reyes nga nabulit sa kaulaw naghikog. Sila si Lt. Col. Carlos Garcia, Gen. Diomedio Villanueva, Gen. Roy Cimato, Gen. Avelino Razon Jr. ug Gen. Alan Purisima. (csa_1156@yahoo.com & 0916-734- 5737)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph