MOABOT sa 12 ka mga tokhangunon ang gipangita karon sa kapulisan sa Misamis Oriental Provincial Police Office (MPPO).
Kini ang gikumpirma ni Police Senior Superintendent Rolando Destura, provincial director sa MPPO, ug miingon nga kining 12 ka tokhangunon pulos mga high-value target ug gipangita sa kasamtangan.
Gipasabot niini nga adunay mga tokhangunon nga naadtoan ug nabisitahan na kaniadto apan ila kining gibalikan kay adunay pipila misibat ug nanglangyaw ngadto sa laing na usab nga probinsya.
"Kadtong sa una gipangbalikan ko naa pa ba. Dili ko mag-mention basta high-value target kini sila," matud niini.
Tuod man aduna silay mga na-monitor nga nibiya apan adunay kamulo pa og sugod sa kalambigitan sa ginadili nga druga.
Gipasabot sab niini nga ang Oplan Tokhang dili usa ka police operation apan usa ka police activity nga motoktok niadtong anaa sa listahan ug mogiya sa mga nalambigit niini nga magpaubos og rehabilistasyon aron maundangan ang bisyo gawas niini aduna usab gisunod nga oras ang mga tokhangers nga gikan sa alas 8 sa buntag hangtod alas 5 lamang sa hapon.
Hinuon si Police Superintendent Lemuel Gonda, tigpamaba sa Police Regional Office 10, tungod kay sukad gisugdan ang Tokhang Reloaded wala silay nadawat nga reklamo gikan sa katawhan ug ilang ipaniguro nga walay katungod nga mayatakan labina nga aduna mga police personnel nga naka-assign niini.