KUNG plano nimo mo-travel sa Bohol, di kompleto ang trip kung di maadto ang mga tourist attractions sa countryside sama sa Tasier ug Chocolate Hills, diin mas makompleto pa kini kung maadto ang mga beach sa Panglao Island.
Uban sa among tropa sa RDL Pharmaceutical Laboratory Incorporated nga gipangunahan Ms. Mercedita Lim, RDL vice president for operations, nahimong sadya ang among pagsuroy ug pag-stay sa Panglao Island ug usa sa among gi-stay-han mao ang Bohol Beach Club.
Ang Bohol Beach Club giingong treasure chest of tropical island pleasures gumikan usa siya sa mga enchanting place kung mobisita sa Panglao Island.
Maka-relax ka gayud daplin sa baybayon sa pagpasilong sa mga landog sa mga lubi nga maoy nakapadugang sa kaanindot sa dapit.
Gikonsiderang 4-star beachfront accommodation ang mahanyag sa Bohol Beach Club, gumikan sa ilang excellent venue sa luxurious comfort diha sa paglulinghayaw.
Ang ilang guestrooms, sama sa contemporary version sa iconic nipa hut, alang sa carefree rest ug relaxation diin ang ilang tanan rooms suites nag-replika sa kanindot sa pagbakasyon sa probinsya.
Siyempre ang mga rooms dunay plush beds, flat-screen TV, free Wi-Fi Internet, ug verandas nga overlooking niini ang beach, diin perfect labi na sa sunset view.
Naa sab silay water sports sama sa kayaking ug windsurfing, naa silay restaurant with a bar, business center, swimming pool, ug courtyard alang sa social events.
Ang Bohol Beach Club anaa sa Brgy. Bolod, Bolod Beach, Panglao Island, Bohol diin usa ka kilometro lamang gikan sa popular nga Alona Beach ug 17 kilometro gikan sa Tagbilaran Airport.