NAKAABOT pa gyud ko og tan-aw sa pelikulang “Ang Dalawang Mrs. Reyes” uban sa akong amigang Sandra Jamiro Ano, bisan og ikatulo na kining semana sa mga sinehan naa gihapoy milinya sa maong salida.
Haskang lingawa namo dili lang sa duha ka beki nga silang JC de Vera ug Joross Gamboa kondili sa mga bida mismo nga silang Angelica Panganiban ug Judy Ann Santos.
Si Angelica dili na bag-o nako apan ang Juday kon wa ko masayop sa pelikulang “I Will Survive” nilang Maricel Soriano ulahing nakit-an nakong nag-komedi.
Riot ang papel sa duha samotan pa ni Nico Antonio, ang macho dancer nga ilang gi-hire para makapanimalos sa ilang mga bana nga bayot.
Sigurado ko nga may nakarelate gyud sa ilang istorya ug ang dakong pangutana kon unsay mas sakit ang giilisan kas imong bana og babaye o lalaki? Apan sa katapusan ug labing tinood nga sakit mao nga gibinuangan ka sa imong partner, maski unsa nga gender pa kini.
Makalingaw ang pelikula gikan sa sinugdanan hangtud sa katapusan, mag-sige kag katawa ug dili na lang nimo mahibaw-an sa dayong ending niini nga mitulo na sab diay ang imong mga luha.
Sa wala pa kakita niini go na dayon sa mga sinehan kay basin katapusang semana na kini ninyo makita ug ubani si Angelica ug Juday sa ilang adventure isip dalawang Mrs. Reyes? ay’g saba!
Guapa man gihappn ang grandslam actress nga si Lorna Tolentino, tinood nga gimingaw siya sa mitaliwan niyang bana nga si Rudy “daboy” Fernandez, apan nadawat na sab niya kini.
Malipayon siya uban sa iyang mga anak, labi na sa iyang apo, nga matud pas guapang lola bibo ug sipat kaayo. Gawas sa mga anak ug apo nalingaw sab karon si Lorna sa ilang farm.
Makita nato ang Lorna Tolentino sa teleseryeng “Asintado” matag hapon human sa Showtime, sa papel ni Miranda, ang way gikahadlokang babaye ug mopatay gyud ug usa sa mopaantos sa bida dinhing si Julia Montes, ay’g saba!
Naa koy blind item nga ako unang giseguro kon naa bay makapamatood sa mga tsika sa maong batan-ong singer.
Daghan na ang nakamatikod niining maong singer nga may pagka-beki, gani dili naman bag-o kini nga tsika ug nakadungog na kamo niini apan gipanghimakak kini sa iyang kampo.
Apan gikan sa reliable source, nakita nila sa ilang pagbakasyon ang singer ug dili kuno malilong sa linihokan ug sinultian nga bading kini. Guapo ang singer ug gitsika pa nga naibog sa guapa ug batan-ong aktres. ay’g saba!