Pacquiao-Matthysse miamag

NAKAUYON si legendary trainer Freddie Roach sa ideya nga iparang ang iyang batos nga si Filipino boxing icon Manny Pacquiao batok kang World Boxing Associa­tion (WBA) welterweight champion Lucas Matthysse.

Si Matthysse, kinsa adunay 39-4, 36 KOs nga rekord, ta­odtaod na sab nangandoy nga ikaharong ang Pamban­sang Kamao sa Pilipinas.

Kon magkasinabot ang du­ha ka mga kampo, posibleng mapahigayon ang ilang away sa tungatungang bahin sa 2018.

Si Pacquiao, kinsa adunay 59-7-2, 38KOs nga rekord, katapusang miaway niadtong Hulyo diin gipakaging siya ni Jeff Horn pinaagi sa unanimous decision sa Brisbane, Australia.

Ang promoter ni Matthysse nga mao ang Golden Boy Pro­motions interesado nga ida­yon ang away.

“Let’s do it, no problem," matod ni GBP president Eric Gomez sa interbyu sa Bo­xingScene.com. (ESL)

Related Stories

No stories found.
SunStar Publishing Inc.
www.sunstar.com.ph