"THE youth is not only the future, but God's gift to the Church and society today," ang puno nga mensahe nga nagdala og inspirasyong gikan sa Brazilian National Conference of Bishops (CNBB).
Ang pinakaunang papel nga angay huptan sa atong mga kabatan-onan karon mao ang paghupot sa sakto ug maayo nga edukasyon aron kini sila mamahimong mga maayong panig-ingnan ugma damlag. Nagkinahanglan sila niini aron makat-onan ug mabansay nila ang katakus ug kahanas sa pagtrabaho kansang nasud nagkinahanglan kanila.
"Youth today need to be focused and become achievers, veritable transforming agents. They need to build bridges linking people of all faiths, cultures and nationalities," kini ang mensahe sa usa ka Indian bishop Henry D'Souza.
Ang atong mga kabatan-onan maoy tuburan sa kinabuhi. Kini mao nga ang-ang sa ilang kinabuhi sa pagdiskobre ug pagpangandam sa ilang gipangandoy. Kay kini sila dunay igong kusog aron mausab ug mabag-o ang nasud ngadto sa mas nindot ug hapsay nga pagkinabuhi.
Ang taas nga panglantaw sa atong nasud nakasalalay diha sa mga kamot sa atong mga kabatan-onan. Tungod kay puno sila sa mga bulawanon ug makabulohan nga ambisyon, mahimutang sa dakung peligro o pagsayang kung kining mga kabatan-onan karon dili mahatagan og igong pagtagad ug oportunidad aron maensayo nila ang ilang tagsa-tagsa ka mga talento.
Kining atong nindot nga yutang pinuy-anan nanginahanglan sa mga kabatan-onan aron ang maong yuta mamahimong mas tabunok ug molipang. Ug kini mohatag ug magdala og mga maayong bunga sa kalinaw, sa kaangayan ug sa kalamboan.
Laing dakong hagit nga huptan karon alang sa mga kabatan-onan labi na sa Asya ug sa tibuok kalibutan nga unta mosindi sa kandila sa paglaum, "to kindle hope in millions in the region who look for a ray of hope to brighten their lives and make their struggles meaningful".
Sila karon gilig-on diha sa pakigbisog ug sa pakigbatok sa kahimtang gikan sa panamastamas, kalisud, pagkawalay nahut, kakulang sa trabaho, panginabuhian ug pagkawalay saktong pinuy-anan.
Sayod kita nga ang mga kabatan-onan nagkinahanglan sab og "good moral and values" aron maagapan ang ilang mga ginagmay ug dinagko nga mga mulo sa kahimtang sa kinabuhi diha sa minaayo ug positibong pamaagi.
"Today there is much talk of youth. It is important to think of the youth as they are, as that force which makes history," kini matud pa ni Don Nelson Francelino, ang obispo sa Rio de Janeiro.
Ang mga kabatan-onan karon dunay lig-ong kusog alang sa pakigbisog diha sa mga kalihukan sa katilingban. Dili nato ikalimod nga ang atong nasud karon nag-atubang og mga makalilisang nga mga problema.
Apan dako gihapon ang atong pagtoo nga ang mga kabatan-onan dunay mas taas og kapasidad sa pagsulbad niini. Ug labaw sa tanan, sila isip instrumento sa kahiusahan, dunay hustong abilidad aron mahiusa ang usa ka nasud ug katilingban.
Ang mga kabatan-onan sab makahatag og mga maayong impluwensiya ngadto sa uban. Duna silay kapasidad aron tudloan ang ubang kabataan na may kalabot sa mga positibong panglantaw sa kinabuhi labi na sa dugang pagpasabot sa kaimportante sa edukasyon.
"Young people are in our hearts, and each one of us here wants them to be in the heart of the whole Church and society," ang hamubong mensahe ni Don Jose Valmor Caesar, ang Youth Advisory Bishop.
Garbo sa nasud ang atong mga kabatan-onan karon. Gihatagan sila og mas taas nga lugway aron mapasibaw ug mapakita nila ang ilang mga kaalam ug kahibalo ngadto sa tanang suok sa kalibutan. Tungod nila, ang usa ka nasud mamahimong "great and educated one".
Ang simbahan ug ang tibuok Asya nagkinahanglan sa atong mga kabatan-onan labi na sa ilang mga talento, enerhiya, imahinasyon ug labaw sa tanan ang ilang abilidad sa pagkalider.
"The youth of today cannot afford to be distracted by violence, materialism, pornography, addiction to substance and wayward life. Neither can they be indifferent and silent spectators," dugang pa ni Bishop Henry D'Souza.
Ang gamot hinungdan nganong gihagit ang tanang mga batan-on karon aron mamahimo silang "champions of unity of all peoples". Hinaut pa unta.
(feedback - 09109006290)