ANG Ateneo de Davao University (Addu) Blue Knights, mipresenta sa Davao region, mibitbit sa Catholic Educational Association of the Philippines (Ceap) Mindanao Finals inter-collegiate basketball tournament titulo human gipalukapa ang Xavier University (XU) sa Cagayan de Oro City, 76-72, sa championship game gihimo didto sa RDR Gym, Davao del Norte Sports and Toursim Complex sa Tagum City.
Uban ang mga pinili magduduwa gikan sa milabay tuig nga Mindanao finals champion St. John Paul II College of Davao (SPIICD) ug University of Immaculate Conception (UIC), ang Blue Knights nasulod sa finals nga way pildi batok Father Saturnino Urios of Caraga, Zamboanga ug Notre Dame of Jolo College.
Sa finals, Blue Knights head coach Pochollo Elegino, miingon nga usa gyud ka kulbahinam nga duwa diin iya pa gipangutana ang mga batos, "Who wanted the championship more?" "And they responded with a tremendous 2nd half and showed a lot of poise down the stretch," gihinumdum ni Elegino ang ilang tim sa pagdepensa sa titulo.
Nagpasalamat si Elegino sa SPJIICD ug UIC nga miingon nga dako kaayo kining tabang.
"Pasalamat ko sa tanan nag-support sa team especially to the parents, admin, my wife and my son for the unending support and also to the coaches sa pagpahulam sa ilang mga players," ni Elegino nga iyang gipasabot si SPJIICD head coach Howard Delgado.
Ang laing pambato sa Davao mao sila Addu's Edz Luman-ag, Ivan San Diego, Edward Brian Misa, Elwin Toraja, Miguel Pacheco, James Doblado, Alexander Lamzon, Dean Axl Garcia and David Angelo Sotto uban si SJPIIC's John Rashid Hebania, Kim Joseph Mundiz, Paulo Abad ug Kenneth Jay Sanchez ug UIC's Lloyd Tolentino. (ABM)