Nalzaro: Epekto sa impouding

UBAY-UBAY ang nasampulan sa mga traffic enforcers su­kad gipatuman ang kusganong pagpanakop sa mo-counterflow. Sa unang adlaw pa lang sa implementasyon niadtong Lunes, kapin sa 50 ka mga motorsiklo, upat ka private cars ug usa ka taxi ug public utility jeepney. Daghan hinuon nga mga motorcyles ang mohimo aning counterflow kay dali ra man nila ang lusot-lusot sa mga sakyanan kon mag-heavy traffic na.

Ang rason sa uban nga nagdali sila o wala mahibalo sa bag-ong executive order nga gipagawas sa City Hall. Pero gi-ingon man nga “ignorance of the excuses no one.” Samtang ang uban morason aron makalusot apan dili makarason sa mga traffic enforcers nga magpakita usab og gilas. Kon molalis ka, butang sab ka og laing violation nga “arrogant.” Lain na pod na nga multa.

Pero tan-awa ang resulta aning impounding og usa ka buwan. Kadtong mga nadakpan nga mga motorsiklo, dili tanan mga tag-iya sa mga motorsiklo nga ilang gimaniho. Ang uban niadto iya sa kompaniya nga ilang gitrabahoan sa mga nadakpan. Kon pananglitan, ikaw maoy manager sa maong kompaniya, dili ka masuko sa nagmaniho nga imong empliyado? Labing silot atong nagmaniho, suspension. So, kon masuspenso ang maong empliyado, unsay mahitabo sa iyang pamilya?

Kon ikaw tag-iya sa motor, unsay sakyanan nimo matag adlaw inig report sa trabaho? Unsay sakyan nimo og sa imong pamilya kon mosuroy ug mosimba sa Domingo. Sama gihapon sa mga private car owners. Okey lang kon ang tag-iya mismo maoy nagmaniho ang nadakpan. Kon ang nakasala mao ang ilang drivers, unsa may bation sa mga tag-iya? Sigurado masuko gyud. Siguro gipangtang na tong mga drivers karon.

Sa mga PUJ ug taxi. Dili kaha masuko ang mga operators kay na-impound ilang mga sakyanan. Wala silay income. Dili kaha masikwate ang maong mga drivers? Unsa may mahitabo sa ilang pamilya. Yabu ang bugasan og allowance sa iyang mga estudyante. Para lagi nako dili maki-angayon kining maong silot. Walay balatian og kasing-kasing ang nagmugna niini. (bobbygnalzaro@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph