PIKIT, North Cotabato - Usa ka lalaki ang nasamdan human maigo sa saag nga mga balay sa duha ka pamilyang armado nga nagpinusilay alas 9:20 sa buntag niadtong Martes.
Naila ang naangol nga si Laga Macalugi.
Gibutyag ni Supt. Bernard Tayong, tigpamaba sa North Cotabato Police Provincial Office nga nagka-engkuwentro ang pamilyang Kaludin ug Macalugi sa Barangay Bulol, Pikit nga milungtad og tulo ka oras.
Tungod sa kalit nga pag-ulbo sa pinusilay, mga molupyo nakurat ug nangalisang hinungdan nga daling nanghikling paingon sa luwas nga dapit.
Nahunong lamang ang pinusilay sa duha ka armadong pamilya sa dihang nagpatunga sila Pikit Mayor Sumulong Sultan ug Moro Islamic Liberation Front (MILF) Eastern Front Commander Jack Abas.
Ang duha ka pamilya giingong pulos miyembro sa MILF apan dunay rido o personal nga away matag usa gumikan sa yuta nga ilang giugmad.
Sa pagsuwat ning balita, padayon ang gihimong negosasyon sa duha ka pamilya aron nga maresulba ang ilang panagbingkil.