ANG Department of Education (DepEd) mosuporta sa Alveo Ironman 70.3 Davao sa Marso 25, 2018.
Sa usa ka panagpulong nga gitambongan ni DepEd-Davao assistant director Teresita G. Tambagan, uban ang Sunrise event organizer ug pangulo sa nagkadaiyang ahensiya sa gobyerno didto sa DepEd Schools Division Office- Davao City sa Quirino Avenue.
Si Tambagan nakakuha og kasegaraduhan sa tulo ka School Division Supervisors Dr. Maria Ines Asuncion sa Davao City, Dr. Dee Silva sa Panabo City ug Dr. Josephene L. Fadul sa Davao del Norte nga patambongan ang 5,000 estudyante sa National Highway gikan sa Azuela sa Lanang, Davao City hangtud sa siyudad sa Tagum aron mahatagan og lingaw ang palibot atol sa lumba sa bisikleta sa Iron man 70.3 Davao.
Ang supervisors miingon nga ipadala nila ang ilang school bands, drum and bugle ug estudyante nga dunay bitbit nga flaglets atol sa kalihukan.
Samtang sa Davao City magpadala og 2,000 samtang sa Panabo City ug Davao del Norte kay 3,000.
Ang maong torneyo gilauman nga apilan og 1,800 triathletes gikan sa 38 ka nasud.
Nakompirma sab nga apil sila Kuya Kim Atienza ug Matteo Guedicille nga usa sa mga sikat nga artista sa nasud.
Si City Assistant Administrator Atty. Dwight miingon si City Mayor Sara Duterte Carpio nakahinabi na si Davao del Norte Governor Anthony Del Rosario alang sa "total closure" sa kalsada arol sa kompetisyon aron maseguro ang seguridad ug kaluwasan sa mga triathletes.
"We are still waiting for the approved resolutions of the legislative bodies of the local government units involved to formally close the road," pahayag ni Domingo.
Samtang bahin ni Sports Development Division of City Mayor's Office chief Michael Denton Aportadera misulti nga gimando ni Mayor Duterte nga doblehon ang seguridad dinhi samtang gipahigayon ang torneyo diin anaa ang choppers sa Philippine Airforce aron dali madala ang atleta sa Southern Philippines Medical Center kung ugaling dunay aksidenteng mahitabo. (PR)