Nagdala og bomba naratol

USA ka improvised explosive device (IED) ang napalgan sa kapulisan sa Bunawan Police Station ug Task Force Davao alas 8 sa buntag kagahapon didto sa Purok 28, Barangay Lasang, Bunawan District, Davao City.

Sumala ni Police Chief Inspector Estrillo Ramiso, hepe sa Bunawan Police Station, nga posibleng pabuthon ang maong IED sa sentro sa siyudad kung malampuson kadtong napasulod sa dakbayan.

Giingon sa opisyal nga wa kasulod ang IED sa dakbayan gumikan sa hugot nga seguridad sa kapulisan ug kasundalohan sa ilang pagpahigayon og checkpoint.

"Hugot gyud kaayo ang security sa DCPO (Davao City Police Office) uban ang TF-Davao. Kita ngari sa Bunawan PNP, atong gihatagan og daghang mga pulis ang checkpoint," sulti ni Ramiso nga nahinabi sa SuperBalita pinaagi sa telepono kagahapon.

Dugang niya nga gituohang gibilin nalang sa nagdala sa IED didto sa

kilid sa kalsada nga dunay 1.2 kilometros ang gilay-ong gikan sa Lasang Detachment sa TF-Davao.

"Usa ka squad sa TG Lawin ug K9-Team ang miadto dayon sa area to verify the reported unattended baggage ug nasuta nga IED," ingon ni Ramiso diin ang IED anaa gikustodiya sa EOD team sa TF-Davao.

Bisan sa hitabo, kampante gihapon ang Davao City Police Office sa seguridad gumikan bastante ug anaa gayud ang hugot nga pagbantay sa kapulisan sa palibot.

Pebrero 26, sugdan sa DCPO ang programa sa Philippine National Police nga mohimo og mga emergency simulation exercises diin dunay mga nagkadaiyang senaryo unsaon pagluwas ugaling dunay matigayong kagubot ug trahedya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph