KANHI Presidente Noynoy Aquino milampos sa pagpapriso ni kanhi Presidente Gloria Arroyo ug nila ni Sen. Juan Ponce Enrile, Bong Revilla, Jinggoy Estrada, pork barrel queen Janet Lim Napoles ug pagpa-impeach ni Chief Justice Renato Corona.
Naibtan sa tunok si Arroyo, PCSO Manager Rosario Uriarte ug Board Manuel Morato human malimpyohan sa Sandiganbayan sa kasong plunder ubos sa P366-M PCSO intelligence fund scam nga gisang-at nila ni Bayan Muna Reps. Teodoro Casiño ug Neri Coliminares.
Usab ang Sandiganbayan mipakawalay sala ni Arroyo, kanhi Comelec Commissioner Benjamin Abalos ug kanhi NEDA Dir. Romulo Neri kabahin sa $329M National Broadband Network (NBN) nga kontrata tali sa gobyerno ug ZTE Chinese Telcos. Laing gisalikway sa Sandiganbayan ang kaso uban ni Agri. Usec. Jocelyn “Jocjoc” Bolante sa pasangil nga nakabulsa og 265.642M gikan sa kinatibuk-ang 753M fertilizer scam. Gisalindot usab sa Ombudsman ang kasong plunder ni Arroyo pagwaldas sa Malampaya fund nga gisang-at sa DOJ ug NBI kabahin sa 900M nga alang unta sa rehabilitasyon sa bagyong Ondoy ug Peping.
Gitakdang utingkayon ang taras ni Noynoy pagpanglutos sa oposisyon, pagpanalipod sa mga sakop, pagpanghulga sa hudikatura, pagmonopoliya sa mga ahensya, paghakop sa nasodnong panudlanan, pagmanipolar sa PCOS, pagpug-ok sa hustisya.
Kasong plunder nga gisang-at sa KMP ngadto sa Ombudsman pagwaldas sa Malampaya fund batok ni Noynoy, Budget Sec. Butz Abad, DAR Sec. Virgilio delos Reyes ug Janet Napoles nga wa masubay sa balaod.
Laing plunder pagwaldas sa DAP batok ni Noynoy, Abad, Agri. Sec. Proceso Alcala ug Napoles bugti sa pagpa-impeach ni Corona. Si kanhi Manila Councilor Greco Belgica nga gitudlong sakop sa PACC hugtanong miawhag ni Justice Sec. Vitaliano Aguirree nga taralon sila Noynoy, Abad, kanhi DILG Sec. Mar Roxas, kanhi Transportation Sec. Joseph Emilio Abaya, Sens. Franklin Drilon, Antonio Trillanes, Kiko Pangilinan ug Chiz Escudero nga gipaagi sa DPWH ang daling palusot sa DAP.
Lain sab tong kasong plunder nga gisang-at nila ni kanhi Reps. Augusto Sijuco ug Manuel Mejorada batok ni Drilon sa anomalosong pagtukod sa 200M pesos Halls of Justice ug Iloilo Airport.
Gimando na ni Ombudsman Conchita Carpio- Morales ang kasong kriminal pagpabaya batok ni Noynoy, kanhi PNP Chief Alan Purisima ug SAF Dir. Getulio Napeñas hinungdan sa kamatayon sa SAF 44 sa Mamasapano encounter. Sol- Gen Jose Calida miawhag sa Supreme Court pagmando sa Ombudsman sa pagpasaka og kaso batok ni Noynoy sa maong engkwentro. Kaso gipasaka sa VACC ug VPCI batok nila ni Noynoy, Health Sec. Janette Guarin, Abad ug 13 ka mga opisyal sa DOH bahin sa kontrobesyal nga Dengvaxia nga bakuna nga dunay nangamatay. (csa_1156@yahoo.com / 0916-734-5737)