TAGBILARAN CITY - Pormal nang gilusad sa Tagbilaran City Government ang “Plastic Recycling Project” ngadto sa grupo sa mga kababayen-an nga mao ang KALIPI (Kalipunan ng Liping Pilipina).
Ang proyekto gipundohan sa Japan International Cooperation Agency (JICA) diin ang implementasyon gikan sa Keio University ug Tagbilaran City Government.
Tumong ug tinugha sa proyekto nga mahatagan og panginabuhian ang mga kababayen-an sa dakbayan ug sa samang paagi makaprotehir sa kalikupan ug makunhod ang basura nga mahatod sa sanitary landfill sa probinsya sa Bohol.
Mihatag usab og tabang ang Department of Tourism sa pag-promote sa mga produkto nga gikan sa basura sama sa mga sapatos, tsinelas, bags, placemats, purses og uban pa. (LRB)