ANG “Sin island” nilang Xian Lim, Coleen Garcia ug Nathalie Hart grabe ka sensual ang istorya ug mga eksena.
Sa unang higayon, makita nato ang Xian Lim nga super hot. Espesyal treat kini sa Star Cinema para sa mga lovers ug mga magtiayon karong nagsingabot na ang adlaw sa mga kasingkasing.
Istorya kini sa mga minyo nga maguba ang kaminyoon tungod sa laing affair.
Sa laktud nga pagkasulti infidelity ang tema sa pelikula nga showing na karong “Valentines day” Feb.14.
Kon kinsa ang unang nakasala sa ilang kaminyoon? Ang lalaki ba o babaye mao nay atong nuntan sa pelikula.
Kon grabe ka init ang mga scene nilang Xian Lim ug Coleen Garcia nga may shower scene pa, dili sab patalbog dinhi ang Nathalie Hart, nga maoy unang proyekto niya sa Star Cinema.
Ang Nathalie usa sa mga finalist sa ikalimang season sa “Starstruck”, apan sa wala pa kini mi-audition sa maong reality show sa syete nahimo siyang parti sa “Star Magic” batch 16 niadtong 2008 sa dos, gidala sab niya ang screen name nga Kristina ug Princess Snell niadto.
Sa Sin Island si Xian dinhi usa ka photographer ug iyang asawa si Coleen nga flight stewardess, kinsa may karelasyong pilot nga si TJ Trinidad. Fashion designer usab dinhi si Nathalie nga ma-love sa karakter ni Xian.
Dinhi magsugod ang kagubot sa direksyon ni Gino Santos, ay’g saba!
Sa mga tsika, morag nagkadool na gyud ang ending sa teleseryeng “Ang probinsyano” ni Coco Martin.
Dugay na sab ning ginuntan sa Kapamilya network ug nagpabiling numero uno sa rating sa Primetime Bida.
Karon challenge para kay Coco kon unsay mahimong katapusan ug mahimong dangatan ni Cardo dinhi.
Sa mga nagsubay sa Dos makita nato nga pirme nang ipakita ang trailer sa fantaseryeng ‘Bagani” sa Lizquen.
Mao kuno kini ang mopuli sa naghinapos na nga “Ang probinsyano.”
Dakong hagit ang gipaabot sa tambalang Liza Soberano ug Enrique Gil nga makuha sab ang taas nga rating sama sa naangkon sa serye ni Coco. Ay’g saba!