NAPILDI ni KZ Tandingan ang idol niyang si Jessie J sa unang pagsabak sa Filipino singer sa Singer 2018, ang sikat nga television series sa China.
Misud si KZ as challenger sa fifth episode sa programa, nga gipaguwa niadtong Biyernes, February 9, sa Hunan Television.
Gikanta sa 25-year-old singer from Davao del Sur ang own version niya sa “Rolling In The Deep” ni Adele.
Luyo niini, mag gidugang sab nga Filipino rap ang singer.
Nakigtigi si KZ sa ubang professional ug sikat nga singers gikan China, Taiwan, Hong Kong, ug uban pang parte sa kalibutan.
Apil sab sa nakalabay ng KZ si Jessie J, nga gikan pa's England.
Luyo kaniya, nakaharong sab sa Pinay singer sila Wang Feng, Juno Su, James Li, ug Hua Chenyu sa China; Tien Chong sa Hong Kong; ug Taiwanese star nga si Angela Chang, nga mao say host sa competition round.
Ang studio audience ang mopili kung kinsa ang modaug pinaagi sa pagboto kada human og perform sa contestants.
Sa nakalabay nga episode si KZ ang midaug ug nakakuha sa daghang boto.
Ikaduha si Jessie J, nga mikanta og “Ain’t Nobody” ni Chaka Khan.
Anaa sab sa ikatulong puwesto ang nag-number one last week nga si Hua Chenyu.
Ang na-eliminate karong semanaha mao si Tien Chong.
Sa sunod semana mag-atbangay ang mga nahibiling contestants aron magtigi sa nahibiling round.