"WE will continue to intensify our efforts to ensure that teachers are provided with relevant, updated and accessible CPD interventions," ang panaad ni NEAP Director John Arnold Siena ngadto sa mga magtutudlo nga makadawat og credit units pinaagi sa LAC, Learning Action Cell sessions.
Subay sa pagsunod sa probisyon sa Republic Act 10912 kon ang iladong CPD, Continuing Professional Development Act sa 2016, ang DepEd, Department of Education pinaagi sa NEAP, National Educator Academy of the Philippines, gihatagan og kalig-onan sa PRC, Professional Regulation Commission isip CPD service providers sa mga magtutudlo sugod niadtong Disyembre 12, 2017.
Kining maong paghatag og kalig-onan sa PRC ngadto sa buhatan sa DepEd gilangkuban sa Central office bureaus ug services, ang regional ug school division offices. Busa, dunay mga training programs alang sa mga magtutudlo nga pagahimuon gikan niining mga opisinaha nga walay bayad ug mahatagan pa kini og credit units gikan sa buhatan sa PRC.
Mahatagan og credit units ang mga magtutudlo ubos sa kondisyon nga ang mga disenyo sa mga trainings isumite ngadto sa NEAP ug i-endurso ngadto sa PRC ug dukidukion sulod sa 45 ka adlaw sa dili pa mapahigayon ang school-based trainings.
Ang ginaila isip K-12 Basic Education Program nga nagabasi sa lokalidad diha sa mapadayunong pagpalambo sa propesyon alang sa pagpauswag sa natad sa pagpanudlo ug pagkat-on mao ang gitawag og LAC, Learning Action Cell.
Busa, gitahasan ang schools division offices aron magsumite og usa ka desinyo para sa LAC session ngadto sa NEAP aron ipasusi sa PRC alang sa pagkab-ot sa credit units.
Human kini naaprobahan, mao kini gamiton diha sa school-based learning action cell ug ang completion report gikinahanglan aron ipasa ngadto sa PRC inigkahuman sa maong training.
Kining nindot nga inisyatibo nga gihimo sa NEAP makadugang og lig-on nga ang tanang mga magtutudlo sa tulunghaang pampubliko dili na maghago, magbayad, ug moapil sa laing mga training ug seminars nga gipahigayon sa gawas sa PRC-accredited providers aron makakuha og CPD credit units.
"Funds shall be provided to DepEd's field offices, as well as to Central Office bureaus and services that implement programs relative to teacher training and professional development," matud pa ni NEAP Director Siena, dugang niya nga ang "LAC sessions shall be monitored for quality assurance, and a pool of learning facilitators shall support the training program activities and lead in LAC sessions for teachers."
Puno sa suporta ang gipakita sa buhatan sa DepEd alang sa mapadayunong paglambo sa propesyon sa mga magtutudlo nga nagbasi diha sa prinsipyo sa malungtaron nga pagkat-on ug ang panglantaw sa maong propesyon nga nagkinahanglang og "teachers expert knowledge and specialized skills, acquired and maintained through rigorous and continuing study", sumala sa UNESCO.
Gisaysay sab diha sa Deped Order 035, s_2016 nga ang maayong pagpanudlo usa ka pinakaunang gimbuhaton sa mga maestro ug maestra ug ang pagpakita'g suporta alang sa CPD maoy usa sa pinakaimportanting lihok sa mga school heads.
Ubos sab niining DepEd order 035, gihatag importansiya nga ang DepEd gipahimugso ang Learning Action Cells (LACs) nga nagdala sa tumong aron mas mapalambo pa ug mapalapdan ang suporta alang sa mga magtutudlo pinaagi sa pagmatutu sa ilang nahibaw-an, nakat-onan, kinaiya, taras ug mga kaarang pinasubay diha sa curriculum, instruction ug assessment.
Sa dili pa ang LAC session, kinahanglan dunay tarong nga pagplano ug mapunting sa komitiba kon unsay mga isyu, panginahanglan ug prayoridad alang sa gitawag og professional development aron mahisgutan ug matubag panahon sa LAC session.
Human niana, evaluation ug monitoring ang gikinahanglan aron makit-an ang kakulangon ug kalig-on sa maong programa. hinaut pa unta. (Feedback 09109006290)