SIKOP sa operatiba sa San Pedro Police Station ang usa ka Criminology student atol sa buy-bust operation didto sa Purok 6, Nograles Avenue, Barangay 76-A, Bucana, siyudad sa Davao.
Ang suspek nailhang si Edwin delos Reyes Bastida Jr., 19, ug nagpuyo sa Purok 6.
Daghang pakite sa gituohang pinaugang dahon sa marijuana nga mokantidad og P1,500 ang nakuha sa posisyon sa dinakpan.
Mihimo og operasyon ang San Pedro Police Station human sa mga impormasyon nga miabot kanila sa hitak nga pagpamaligya og marijuana sa suspek.
Sa kasamtangan, ang dinakpan gibalhog sa selda sa San Pedro kinsa mag-atubang og kasong pagsupak sa Republic Act 9165 kun Comprehensive Dangerous Drugs Act of 2002 didto sa korte.