GAWAS sa sex scenes nga mao’y nag-unang tumong sa movie triology nga Fifty Shades, mas mubo ang uwahing movie offer niini nga Fifty Shades Freed.
Klaro nga gidali ang maong salida paghuman tungod kay paspas ang estorya. Apan basin pud siguro kay gi-shoot kini dungan sa “Darker”.
Kung fan ka sa Fifty Shades triology, anaa ra sa 105 minutes ang Freed itandi sa Grey nga 125 minutes ug Darker nga 131 minutes.
Duha ra usab ka mall ang nagpasalida niini sa Sugbo, ang Ayala Center Cebu ug ang Robinson’s Galleria tungod kay Rated 18 kini.
Nagsugod ang Freed nga gikasal na ang dominante nga si Christian Grey (Jamie Dornan) ngadto sa submissive nga si Anastacia Steele (Dakota Johnson).
Naa gihapon ang nagkadaiyang sex scene. Nag-honeymoon si Christian ug Ana sa Paris.
Nagtuyok ang estorya sa mga hagit sa ilang kaminyuon. Ang nag-unang kontrabida mao si Jack Hyde (Eric Johnson) kinsa kanhi boss ni Ana sa usa ka publishing company sa wa pa kini gipalit ni Christian.
Mas intense ang scenes sa last movie tungod kay daghang action scenes ingon man aduna pu’y mga bag-ong karakter susama nalang sa gwapo nga bodyguard ni Ana nga si Sawyer (Brant Daugherty).
As always, fairy tale ang ending niini kay naa sila’y usa ka anak ug mabdos na usab si Ana.
Nadawat na ni Christian nga magkaanak nga sa una dili niya madawat kay lagi aduna’y katunga kang Ana.
Kon gusto kang mag-usik usik sa imong kwarta unya gasunod ka aning Fifty Shades triology, hala, go na!
P.S. Intense ang sex sa parking lot.