APAS sumpay kini sa atong lindog kagahapon kabahin sa reklamo sa mga piniriso sa CPDRC nga gipangawat ang ilang kuwarta sa kooperatiba ug canteen.
‘Human atong hitaboa, Sir, gitugtan nami sa warden nga si Sir Miguel nga makapalit og vault nga among masudlan sa among mga halin sa tindahan. Apan pag-greyhound na pod niadtong miaging semana, ilaha na pod gikuha ang kwarta sa canteen nga hapit P50,000 diha sa kaha sa lamisa ug ang vault apil sad ang sulod nga kwarta nga halin balor P257,000.’
u2018Ang nangunay pagkuha, Sir ang nangulo sa maong greyhound nga Bobby Legaspi. Ang rason nga ilaha gikuha kay iyaha kuno i-surrender sa COA or sa opisina sa Gobernador kay bawal kuno magpundo og kuwarta dire sa sulod. Ang pait kay paghuman sa greyhound, ang gideklarar sa taga media nga kuwarta ang diha ras vault nga P257,000 ug wala nasad maapil ang dul-an P50,000 nga diha sa drawer sa canteen ug nakuha nga diha sa tagsa ka mga selda.’
u2018Sir Bob, puwede ba diay na kon mag-greyhound sa prisohan nga ang mga pulis ug PDEA magmaskara o bonnet ug mata ray ipakita? Sa akong nahibaw-an Sir nga kon mag-greyhound o raid adunay taga media ug mga baranggay opisyal nga mo-witness sa mga pulis. Pero sukad pa sa una kon mag-greyhound diri sulod sa prisohan motawag raman sila og media ug barangay opisyal kon mahuman na ang greyhound.’
u2018Gitugtan mi sa Gobernador, warden ug sa among rehabilitation officer nga mag-operate og canteen diri sulod sa prisohan ug magpalit og vault nga kasudlan sa among halin. Nganong pag-greyhound gikuha man ni Legaspi ug matod pa niya kontrabando kuno ug dili pwede magkupot ug dagko nga kwarta diri sa sulod? Iya pang gi-ingon nga iyaha kunong i-surrender ngadto sa COA or sa Governor’s office.’
u2018Pwede ba diay mosulod ang COA ani Sir nga dili mani sa gobiyerno? Naa bay mga pamaagi Sir Bob nga mahibalo-an namo asa paingon ang ilang gipanguha nga kwarta ug tinuod ba ang ilang gi-ingon nga toa sa Governor’s office ang kuwarta?
(Hala, Legaspi, tubaga ni. BGN)