Quiboloy gi-hold sa Hawaii

WA PA mihatag og komento ang kampo ni Pastor Apollo C. Quiboloy sa balita nga nadetinar ang lider sa Kingdom of Jesus Christ (KOJC) didto sa Hawaii tungod nakuhaan og mga parte sa armas ug daghang dolyares ang iyang private plane.

Sa mensahe nga gipadala sa Kingdom of Jesus Christ (KOJC) Administration gibutyag nga mas maayong paabuton nga moabot ang pastor aron matubag ang isyu.

"We cannot comment on the issue at the moment. We will just inform everyone on a possible presscon when Pastor ACQ is ready. He is still on his way to the country," suma sa ilang pahayag nga gipaagi sa personahe sa Philippine Information Agency.

Kagahapon, migawas ang balita sa www.hawaiiannewsnow.com nga may titulong "Pastor of Philippine mega-church detained after gun parts, piles of cash found on private jet."

Sa balita, giingong nadetinar si Quiboloy sa Honolulu airport human nga ang federal agents nakakita og $350,000 nga cash sa private plane nga iyang gisakyan.

Uban ni Quiboloy sa biyahe ang laing unom ka tawo nga mobiyahe na unta padung sa Pilipinas.

Apan una kini nakabiyahe, ang Customs and Border Enforcement agents misaka sa eroplano.

Sa mga dokumento, nakuhaan og libuan ka mga dolyares, tanan anaa sa $100 bills nga nakasud sa suitcase.

Nakita sab sa eroplano ang parte sa pag-assemble og military-style rifles.

Dugang sa report nga sakay sab sa eroplano ang giilang si Felina Salinas, 47, sa Makakilo, Hawaii nga maoy giaresto human miangkon nga kaniya ang kwarta nga nakita.

Subay sa federal law gi-require ang kinsa man nga kung magbitbit og sobra sa $10,000 pagawas sa nasud nga kini ideklara.

Suma pa nga si Salinas igo rang mideklara sa $40,000, apan wala ang $350,000 nga narekober.

Giingon nga gisud sa medyas ang dolyares nga gisud sa suitcase.

Si Salinas giilang business manager sa Waipahu chuch ug lunod-patay ni Quiboloy ug sa iyang simbahan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph