Tambagi ko Noy Kulas: Babaero

DEAR Noy Kulas,

Maayong adlaw. Tawga lang ko og Ms. L, 34. Aduna koy kapuyo ug mga anak pero di maayo ang among relasyon sa ilang amahan.

Ako nasakpan ang akong live-in partner mao nga nga nag-away mi ug ako siyang nadapatan. Gibiyaan mi niya ug ang mga bata. Maayo gani kay ang iyang pamilya naluoy, nisuporta namo. Tungod sa hitabo, naa ang akong kalagot ug kaguol tungod sa iyang gibuhat ngari nako. Di lalim baya.

Paglabay sa pipila ka buwan, nibalik siya og communicate ug ako usab gidawat tungod ug alang sa mga bata. Nagsige mi og kita bisan wa mi magpuyo og balik. Hangtod nga nihangyo siya nga magbalik mi. Kay lagi ang mga bata akong gihuna-huna, nisugot ko nga magpuyo mi og balik.

Kaingon nako og wa na sila sa babaye, pero akong nasakpan nga nagbalik diay sila. Akong giteksan ang babaye, pero nisumbong siya sa akong kapuyo. Nasuko akong kapuyo nganong nag-text ko nga nakahibawo man kuno ko unsa sila. Nasakitan ko sa iyang reaksyon kay unsa diay ko sa iyang kinabuhi? Karon akong giagwanta ang tanan tungod ug alang sa mga bata. Noy Kulas, sakto ba ning akong gibuhat? Maayo kaha ni sa akong future? Kapoyan ko mobiya kay akong future akong gisugal tanan para niya.

MS. L

Ms. L,

Sa imong panapos, naa ra ang imong decision nga magpabilin ka sa usa ka relasyon nga abusive. Kanang duha mo sa iyang kinabuhi. Di ba? Ingon man ka nga imong gisugal ang tanan para sa iyaha for the sake sa mga bata.

Apan kon mangutana ka sa akong tubag, moingon gyud ko nga di maayo nga magpaabuso ka kay kon nabuhat niya karon, buhaton pud na niya in the future. Way kalinaw ang inyong pagpuyo kay sige na man lang unya na siyag pangitag karelasyon. Kon nasugdan mong duha, naa pa unya nay lain. Pila pa kaha unya ka mga babaye ang moabot sa iyang kinabuhi.

Naa sa iyang nature nga di matagbaw og usa ka relasyon. Kon mao na ang iyang nature, di na nimo mausab. Hayan mausab na siya kon kapuyon na siya, kana kon matiguwang na tingali na siya. Apan kanus-a pa man? Ayaw paabota nga mismo ikaw magtan aw sa imong kaugalingon nga barato tungod sa psychological effect sa hinanggaw sa imong kapuyo. Mag-unsa ang semblance sa pamilya but dysfunctional diay? Kana maoy hinuktoki og maayo.

NOY KULAS

Related Stories

No stories found.
SunStar Publishing Inc.
www.sunstar.com.ph