IKATULO kining hugna sa atong serye kabahin sa mga reklamo sa mga piniriso sa Cebu Provincial Detention and Rehabilitation Center (CPDRC).
u2018Kahinumduman, paghuman sa ila Greyhound operation atong Feb. 3, 2018, ilaha man dayon gi-suspend ang mga pribilihiyo sama sa dalaw ug conjugal visit ug ang mga suppliers namo sa canteen. Kay lagi nireklamo man mi sa Commission on Human Rights ilaha dayon gibalik ang dalaw ug conjugal visit atong Lunes ubos sa kondisyon nga patak-omon na mi sa among reklamo aron di na kuno magsaba ang media ug ilaha pailisan ang usa ka opisyal namo sa piniriso nga matod pa nila maoy nangulo sa among protesta.’
u2018Ang nakabati gyud Sir Bob kay aduna silay gituboy nga himuon namong bag-ong opisyal sa piniriso hulip sa ilaha ipatangtang. Usa man ni ka iligalista diri sa sulod. Mao pa gyud ni siya ang sinaligan sa niaging consultant nga si Marco Toral. Nahibulong mi ngano kani man ilaha gituboy nga wala man si Legaspi nasuhito aning pinirisoha.’
u2018Sus, kay among nahibaw-an gikan gyud sa among bosyo diri nga kini diay si Legapi ug ang iyaha kauban nga ginganlan og John Cubar maoy naghatag instruction sa iyaha nga ipabutang nga opisyal kaning priso nga si Barbero kay matod pa ni Cubar mao kunoy gusto ni Marco Toral.’
u2018Naa pa diay ni power si Toral diri nga ni resign na man ni? Naka-ila ka aning Cubar nga taga Capitol Sir? Sige naman gyud ni siya kuyog-kuyog ni Legaspi diri sa CPDRC human mi ming pagawas sa reklamo. Kay sa among nahibaw-an suod kaayo ni siyang amigo ni Toral. Unya mao ni siya’y gikuha ni Legaspi nga maoy mokuha og bag-o nga mga suppliers sa among canteen.’
u2018Kon trabahante ni siya sa Capitol Sir Bob pwede diay ni siya manghilabot sa among mga kalihukan? Dili kaha ni laing plano na pod nga pag-pangwarta? Kon gitugotan ning Gobernador ang mga gimbuhaton ni Legaspi diri uban aning ginganlan og Cubar ug Toral, karon dili kaha ni mosamot mogara na pod ang mga durogista diri sa sulod? Kusog ra ba ang estorya diri nga ibalik daw si Toral pagka-consultant diri.’
(Daghan tubagunon si Gov. Davide aning isyo sa CPDRC kay siyay may overall incharge diha. BGN). (bobbygnalzaro@gmail.com)