BALHOG sa prisohan ang usa ka 30-anyos nga construction worker human nadakpan sa security guard kay namaklad sa nangihi nga 40-anyos nga kustomer sa usa ka bar sa Talomo District, Davao City.
Mireklamo sa Talomo Police Station ang usa ka Ginang nga si Maribel, 40, taga Bangkal ning dakbayan kay gibaklad siya sa lalaki nga si Boyet, 30, sa kasilyas sa usa ka restobar alas 12:45 sa tungang gabii, niadtong Sabado.
Subay sa blotter nga natala, giingong nangihi si Maribel ug nakurat siya human iyang nakita ang mata sa gamay nga bangag sa kasilyas.
Daling nangayog panabang si Maribel sa guwardiya hinungdan nga daling nasikop ang suspek ug gilayon kining giintrigo sa miresponde nga pulis.
Ning kasamtangan nagtingkagol ang suspek sa Talomo PNP samtang giandam na ang kaso nga ipasaka kaniya didto sa korte.