ANG Departamento sa Agrikultura (DA) namaligya nag bugas humay sa katawhan sa Manila. Gikan kuno sa mga mag-uuma sa Central Luzon. Maayo kini nga tilimad-on kay nagpasabot nga wa panagoi sa mga traders.
Dinhi sa Sugbo wa pa mamaligya ang buhatan sa DA og bugas humay nga tag P38.00 ang matag kilogramo (Manila price). Gitawag ni sa DA og Bigas ng Masa, usa ka programa alang sa mga kabos.
Ning gihimo sa DA nagpakita nga giilog nila ang mandato sa National Food Authority (NFA) . Namati ko kang Secretary Manny Pinol sa TV interview sa ilang Bigas ng Masa, way hisgot sa NFA.
Panahon ni kanhi Pamuno Gloria Arroyo gipaubos ang NFA SA DA. Apan sa pagpuli ni Pnoy gibuwag na ang NFA. Naay plano nga ibalik ang NFA sa DA, Apan wa pa kini mahitabo.
Klaro baya nga naa sa charter sa NFA ang pag-estabilisar sa supply sa pagkaon (rice) sa nasod pinaagi sa pagpundo niini ug sa pagbaligya diha sa mga merkado gamit ang mga retailer.
Ang mandato sa DA mao ang pagpadaghan sa produksyon sa humay. Magmugnag mga patakaran nga epekibo aron moabunda ang ani. Niini, di na maglisod ang katawhan sa pagkaon ug di na ta mangumpra sa gawas.
Sayod kaayo niini si Secretary Pinol kay sa wa pa kini mosud sa pulitika nakaalagad ni siya sa NFA isip Regional PRO SA Cotabato. Higala mi kay ako ang Regional PRO sa Central Visayas kana kon wa siya malimot.
Pare ko, ayaw karatol. Di ba inyo nang giaprobahan ang tinguha sa NFA nga maka-import og 250,000 metric tons? This is to solve NFA’s buffer stock problem. And your problem too.
Maayo nga may control ang DA sa mga traders sa Luzon ug sa mga farmers. Kay kon mohiyos ang stocks sa NFA , mosalida dayon gud ang rice hoarding aron sila makasapi kay monihit man ang humay ug saka dayog tagilapaw ang presyo.
Kon tinuod nga maayo ang atong ani sa mIaging tuig, lamanuhon nato ang Secretary.
Apan pagyatak nga mamaligya ang DA nga way koordinasyon sa NFA. Unbureaucratic kaayo!