HUMAN sa sagunsong pagkalanag sa pipila ka mga atleta sa Davao Region Athletic Association (Davraa) Meet 2018, nakabalik na sila sa pagdula kagahapon subay sa rekomendasyon sa Southern Philippines Medical Center (SPMC) nga 'fit to play' ang mga nahisgutang kabataan.
Una niini, kombinsido ang Davao City Health Office (CHO) nga na food poision ang mga atleta sanglit mga giingong salin ang nakaon niiini ug wala nabutang sa refrigerator ang pagkaon.
Tungod sa hitabo, nagbutang karon og tag duha ka mga safety inspector ang CHO ngadto sa matag billeting quarters aron ma-monitor ang food handling ug food preparations sa mga delegado.
Sa miaging adlaw gibarugan sa mga kitchen staff sa Mati ug Tagum nga sakto ang ilang pagprepara sa pagkaon labi na sa ilang paggamit og mga gloves, mask ug hairnet.
Gihimakak sab sa Mati delegation nga nag cost-cutting sila, sanglit dunay pundo ang ilang matag menu alang sa ilang mga delegado.
Una niini, mokabat 60 ka mga atleta sa Mati City ug Tagum City ang gipangdala sa ospital human nakasinati og pagpanakit sa ilang tiyan, paglabad sa ulo ug pagsuka-suka niadtong Sabado ug Dominggo.