SECTIONS
philippines
Sunday, October 17, 2021

Osmeña uyon sa pag-ban sa bonnet sa magmotor

MIUYON si Cebu City Mayor Tomas Osmeña sa sugyot sa pag-ban sa paggamit og bonnet sa mga nagmaneho og motorsiklo.

Kini human sa gisugyot ni Chief Superintendent Robert Quenery, director sa Police Regional Office-Central Visayas, sa pagpalabang og ordinansa niani aron makuhaan ang mga krimen nga binuhatan sa mga nagsakay og motorsiklo.

“It’s up to them, I will not oppose it”, matod pa sa mayor.

Ang ordinansa ma­­ka­tabang aron dali mailhan ang mga drayber kon malambigit sa krimen.

Usa sa mga ehemplo niani mao ang matag insidente nga mahitabo nga makuhaan sa CCTV video, di kini mailhan o maklaro dayon tungod kay ang mga suspek nagtabon sa mga nawong.

Uyon siya nga dunay ordinansang ipalabang niini sa Konseho.

Ban sa spray paint

Gawas sa bonnet, siya gusto pud nga i-ban ang mga spray paint tungod kay naghatag kini og kahugaw sa siyudad sa Sugbo.

Apan kon supak ang publiko, gusto siyang kini i-regulate.

“People don’t want me to ban spray paint and I want to ban spray paint. Not ban, but regulate. You have to get clearance from the Mayor’s Office to buy spray paint”, dugang pa ni Osmeña.

Giklaro niya ang pag-regulate og tarong sa mga spray paint.

Gawas sa pag-ban sa mga bonnet ug spray paint, niawhag sab ang mayor sa publiko nga modirekta ngadto niya og sumbong kon dunay mga ilegal nga panghitabo.

“To me, the biggest plus for me is when people report to me, dako kaayo na og tabang,” matod pa ni Osmeña.

Iya usab nga gisaway ang mga pamaagi sa kapulisan sa pagtigom sa ilang mga impormasyon pinaagi sa gitawag nga assets o police intelligence.

“Ang problema niana, ang contact mismo badlongon,” matod sa mayor.

Dunay mga asset nga nadakpan ug nagpatabang na sa mga pulis.

“This is a very big dysfunction in police work, use of assets,” pasabot ni Osmeña.

Mapasalamaton si Osmeña sa nadawat nga mga text ug tawag. (Mary Diane Salasayo, USJR Intern)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph