GIKLARO ni Top Rank boss Bob Arum ang iyang baruganan kabahin sa intensyon ni Filipino boxing icon Manny Pacquiao nga makigparang kang Argentine world champion Lucas Matthysse.
Matod ni Arum nga dili man siya hingpit nga supak ning maong ideya apan kuwang na lang ang panahon alang sa negusasyon niini.
Gipasabot sa beteranong promoter sa kalibutan nga dili sayon ang negusasyon niini gumikan kay sakop si Matthysse sa Golden Boy Promotions nga karibal sa Top Rank.
“Well (it wasn’t possible to do next), because nobody’s ever talked to Matthysse, about whether he’s ready (to even fight in April),” matod ni Arum sa interbyu sa www.boxingscene.com.
Miasoy nang daan si Pacquiao nga gusto siyang makig-away kang Matthysse gumikan sa gigunitan niining World Boxing Association (WBA) welterweight title.
Apan sa pagtuo ni Arum, dili kini maoy gustong ipasabot sa Pambansang Kamao sa Pilipinas.
“I think some writer asked (Pacquiao) if he’d want to fight, and he said ‘yes,’” pasabot ni Arum.
“Would he fight Matthysse down the road? Why not? But we were up against a deadline in April, so at that point not having talked to the opponent, it was a non-starter”
Asoy ni Arum nga hapit na mahan-ay ang negusasyon sa kampo ni Mike Alvarado hinungdan nga kuli nga madayon ang Pacquiao-Matthysse ning puntpha. (ESL)