SECTIONS
Sunday, September 15, 2019

Talento: RA 8972 (Ikaduha sa 3 ka gula)

HELLOOOOO, higala!!!! Padayon ta sa hisgutanan pagkasolo nga ginikanan gikan sa balaod nga Republic Act 8972, o ang "Solo Parents Welfare Act of 2000."

Sa gikaingon ko na niadtong Sabado, ang Republic Act 8972, mao ang balaod sa estado nga nagpasiugda sa pamilya isip pundasyon sa nasud nga nagapahigayon sa usa ka komprehensibo nga programa sa serbisyo alang sa solo nga mga ginikanan ug sa ilang mga anak.

Ang Department of Social Welfare and Development (DSWD) ug uban pang ahensiya sa gobyerno ug non-government organization nga adunay kalabutan niini ang tigpatuman. Klaro?

Review ta kadali. Kinsa gani ang matawag nato nga solo parents? Korek! Kadtong mga ginikanan o guardian nga nag-inusarang ginaabaga ang responsibilidad sa pagpadako sa mga bata, anak paryente o sinagop lamang. Pasok sa listahan kadtong "juntiz" (buntis god) bisan wala pa gikasal, ang mga gipangkasal o minyo apan nagbulag (napriso, wala na nagkasinabot, gibiyaan tungod duna nay bag-ong gilumluman) apan walay sustento nga ginatunol sa kabataan, mga biyudo ug biyuda (nga lami pa ha ha!), ug paryente nga nag-abaga sa responsibilidad sa pagtagbo sa mga panginahanglanon sa mga bata.

Ayaw kalimti ang maong mga impormasyon kay mag-quiz ta paghuman nimo'g basa karon.

Sunod natong iasoy mao ang mga benepisyo kung mahimo kitang opisyal nga miyembro sa maong organisasyon diin matagaan kita'g ID gikan sa buhatan sa DSWD pagkahuman nato'g submitar sa tanang rekisitos (barangay clearance, kopya sa sedula, affidavit of being a solo parent, birth certificate sa mga bata, death certificate sa mga balu, duha ka 1x1 picture ug sertipikasyon sa inyong pundok).

Uban sa tabang sa RA 8972, ang mga empleyadong solo parents, makahimo sa pag-ani sa eksklusibong mga benepisyo nga gihatag sa gobyerno.

Ang Seksyon 7 sa RA 8972 nagmando nga walay diskriminasyon sa trabaho batok kanila, flexible nga eskedyul sa trabaho, dugang 7 ka adlaw'ng parental leave basta naghatag siya og labing menos usa ka tuig nga pag-alagad, nagpadayon o naputol-putol man.

Anaa pod basic nga personal nga exemption gikan sa indibiduwal nga income tax, igsuon.

Sa parehong empleyado ug walay mga trabahong solo parents, ang maong balaod naghatag usab og dugang nga suporta ug benepisyo sama sa 10% diskuwento sa tanan nga pagpalit sa mga sinina alang sa bata sulod sa duha (2) ka tuig gikan sa pagkatawo niini.
Anaay 15% diskuwento sa pagpalit og gatas, pagkaon ug mga suplemento apil na ang pagpamalit og mga medisina ug uban pang medikal nga suplay alang sa bata.

Diri sa Panabo, ang mga nag-eskuwelang anak sa solo parents nag-edad 15 hangtud 18 anyos makadawat og ayuda sa gobyerno sa kantidad nga P500 matag-bulan. Dili ko sure sa ubang dapit.

Sa kasamtangan, adunay mga grupo sa kaulohan nga aktibong nahilambigit aron palambuon sa panaghiusa ug panag-uban ang mga solo parent. Gitukod usab ang mga talamdan sama sa Solong Nanay sa Tatay (SONATA) Confederation, nga nagsilbing usa ka payong nga organisasyon sa tanang solo parent nga mga asosasyon. Anaa pod ang Nain Foundation, usa ka non-governmental organization (NGO) nga nagpatuman sa mga programa alang sa mga balo ug nag-inusarang mga inahan ug ang opisina sa Solicitor General (OSG) Solo Parents Organization.

Pinaagi niining mga koneksiyon, ang mga isyu ug mga kabalaka sa solo nga mga ginikanan mahimong mapahibalo ug mahisgutan. Kining mga kalamboan naghatag og kahigayonan sa pagtawag sa mga nasudnon ug lokal nga mga gobyerno aron sa pagpakusog sa pagpatuman sa RA 8972, ingon man sa mga pagpaningkamot nga maapil ang mga gisugyot nga pag-usab sa balaod.
Padayon ta'g chicka sunod semana, higala. #mwah!
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph