KAPIN 43 ka partisipante gikan sa laing pulo sa Mindanao ug adunay duha gikan sa laing nasod ang nitambong sa BWF Shuttle Time Philippines Teachers’ Course-Cagayan de Oro niadtong Pebrero 10 hangtod 11 sa Xavier University (XU) Gymnasium.
Ang teachers’ course gitambongan sa mga coaches, teachers ug sports coordinators sa mga eskwelahan gikan sa Pagadian City, Lanao del Norte, Camiguin, Oroquieta City ug Bukidnon.
Daghan ang gikan sa probinsya sa Misamis Oriental nga ang Gingoog City, Tagoloan, Balingasag, Alubijid ug Cagayan de Oro City.
Ug, dako sab ang ilang garbo nga aduna sab partisipante gikan sa nasod nga Russia nga si Mr. Volkov Andrey ug si Ms. Arlyn Padilla, PhD gikan sa Berhan University sa Ethiopia.
Mismo si Mr. Ian Gil Piencenaves, kinsa ang kanhi miyembro sa Philippine National Badminton Team, Sea Games ug Asean Games past master, mao ang naghatag sa pagbansay-bansay sa mga partisipante.
Si Piencenaves sab ang kasamtangang regional development officer sa Southeast Asia Region for Badminton Asia.
Ang teachers’ course usa ka badminton program nga gidesinyo sa Badminton World Federation nga giimplementar sa Badminton Asia for teachers and coaches.
Gimugna kini sa XU Athletic Office sa liderato ni XU Athletic director Mr. Vincent Padilla, Ph.D., Badminton Collegiate head coach Efren G. Pollentes ug ang XU Crusaders College Badminton Team.
“We are honored that we have strong feedbacks from the participants from different places in Mindanao and visiting participants from other countries,” ingon ni Padilla.
Suportado sab kini sa Philippine Sports Commission – Philippine Sports Institute Regional Program Office.
Tanan partisipante nakadwat og international certification course program ug mao ni ang pirmiro sa Northern Mindanao.
“As per feedback from the participants, they learned many technical details which they may have overlooked or disregarded in their delivery of the same,” ingon ni Pollentes.