ANIA tay nadawat nga suwat-reklamo. Kabahin sa nangaguba nga kalsada sa usa ka bukirang barangay sa Toledo City gumikan sa mga dagkong sakyanan nga nagkarga og mga graba. Ato lang gitago ang pangalan sa nagsuwat gumikan kay sigurodad.
u2018Dili kini unang higayon nga ako nagsulat kanimo, kon wala ako masayop, 2010 kadto. Kabahin kadto sa dugay na namong giantos nga kabati sa among dalan ug nasulbad.
u2018Apan ang among kalipay napulihan og dakong kabalaka gumikan kay ang mga semento inanay nang naguba gumikan sa kaabusado sa mga nanag-iya og “crasher’ diri sa among dapit nga ilang gipaaagi ang ilang mga dumptruck nga naghakot og graba ug balas nga mag-agas gumikan sa kabasa niini. Karon ang among dalan daghan nang niliki ug sa samang higayon risgo namong mga motorista gumikan kay sa higayon nga kami moagi grabe na kadanglog ug peligro kaayo kay ari naman moagi sa pikas lane aron makalikay sa grabeng kabasa ug kadanglog sa dalan.’
u2018Sa akong ra bang nahibaw-an nga kining mga nanag-iya og crasher way permit gikan sa Dakbayan. Sa laktud nga pagkasulti illegal. Apan dako namong kahibulong konnganong wala masanta sa hingtungdang mga ahensya. Amo nasad kining napaabot kanila ug tuod man ila kining gibisitahan apan daw sa walay nahitabo. Sa akong nahibaw-an adunay mga nagdawatan og suborno nga mga empleyado nianang maong ahensya ug mismo ang ilang labaw nakabenipisyo niini.
Kining maong mga crasher Super Bob gipanag-iya sa impluwensyadong mga tawo sa among lugar nga sa akong nahibaw-an mga tawo sa among halangdong Mayor Sonny Osmena. Mao nga walay nireklamo kanila personal gumikan sa among kahadlok kay kining mga tawhana adunay sinuholan nga mga armadong tawo nga andam mopatay kon dunay moreklamo.
Kami nanghinaot Super Bob nga niining maong sulat, mahatagan dayon og aksyon ug mapaabot kang Gobernador Hilario Davide ug Presidente Duterte.’
(Ug gumikan kay suspendido man si Mayor Sonny Osmeña atong tawgon ang atensiyon ni acting Mayor Antonio Yapha Jr., ug sa Penro chief. BGN)
(bobbygnalzaro@gmail.com)