PARA nako lisud tuohan ang pangangkon sa pamilya ni Jonnah John Ungab nga pulitika ang hinungdan sa kamatayon sa abogado ug bise mayor.
Kon atong basihan ang pasumbingay ug pagbiaybiay ug pagkalipay sa pulis nga si Captain Jovi Espinedo, hepe sa kapulisan sa Ozamis City, sa kamatayon ni Ungab.
Ang igsoon ni Ungab mipasangil sa ilahang uyoan nga si Mayor Nonie Blanco.
Apan mihimakak ang mayor nga di tinuod ang pasangil. Kay matapos na ang iyang termino sa pagka mayor ug dili na makadagan karong 2019 nga election.
Mao nga atong isugyot nga tan-awon sab ang anggulo sa drugas kay nahisgutan man ni Presidente Rodrigo Duterte ang pangan ni Ungab.
Mahimo man sab nga atong sabton ang depensa sa ilang pamilya ang paglambigit sa pulitika ug di drugas kay nagguba ang pangan ni Ungab dihang gilambigit sa Presidente sa ilegal nga drugas.
Gani ang pagtuo sa katawhan drugas ang posibling hinungdan sa nahitabo ni Ungab. Ug kini nga angolo ang kinahanglang tagaan og gibug-aton sa mga imbestigardor ug ingon man ang pulitika.
Espenido kadudahan
Karon kadudahan na sab ang pamahayag ni Espinedo, sa pag-ingon nga angayang ma-alarma si kanhi Cebu City mayor Mike Rama.
Ang pamahayag ni Espinedo mitumaw isip reaksyon sa kontrobersya sa streamer nga si Rama ang isunod human napatay si Ungab.
Si Rama , nga nahinabi sa Agila, wa mabalaka ug nanalipod sa iyang kaugalingon batok sa pasangil sa kalambigitan sa illegal nga drugas.
Kon dunay mahitabo ni Rama, mahimong si Espenido ang usa sa dunay kasayuran. Kay daghan nang kaso sa patay sama ni Mayor Espinosa ug Parohinog nalambigit ang pangan sa hepe sa pulis.
(efren.lonzon@yahoo.com Text:09427930111)