Wurtzbach, Gerald movie mokita kaha?

SHOWING na karong Marso 14 ang bag-ong movie ni Miss Universe Pia Wurtzbach.

Human sa iyang pelikula sa miaging MMFF, karon ang Pia may follow up movie na nga atong atngan. Usa ka romantic comedy sa direksyon ni Cathy Garcia Molina, ang “My Perfect You,” kapartner si Gerald Anderson.

Sa primero medyo gikulbaan kuno ang Pia kay kinahanglan gyud nga mo-level up siya sa aktingan nila ni Gerald.

Samtang, malipayon ang Gerald Anderson ug sobrang excited sa “My Perfect You” kay gawas nga una nilang movie kini ni Pia ug direk Cathy, medyo challenging sab ang iyang papel.

Lisod ug medyo tricky ang karakter ni Gerald mao nga may mga gabii nga magpulaw kini sa paghuna-huna kon unsaon pag-atake ang iyang role.

Sa iyang pakigtrabaho kang Direk Cathy Garcia Molina, matod ni Gerald nga usa ni sa highlight sa iyang career, kay dili makompleto ang iyang journey sa Star Cinema kon dili makauban ang Queen of rom-com nga direktor, ay’g saba!

Mahimo nang action superhero ang James Reid sa pelikulang “Pedro Penduko.” Bag-o ang atong makitang Pedro Penduko dinhi para moha-om gyud ang iyang karakter.

Gibase kini sa bag-ong comic book nga gi-released sa miaging New York comic con 2016.

Si James magdala sa papel ni Peter Harris nga gipadako sa iyang adoptive father sa Amerika.

Usa ka Filipino nga nagdako sa tibuok niyang kinabuhi sa U.S. ug pirmeng gi-bully sukad pa pagkabata.

Mao nga gusto na niyang mobiya. Nahatagan og katumanan ang tanan sa dihang kalit nga namatay ang ama-ama niini sa usa ka dili katuohang aksidente.

Miuli kini sa Pilipinas nga ang tuyo mao ang pagpangita ug pakigkita sa iyang inahang wala niya makauban sukad sa iyang pagkatawo.

Daghang mga pangutana ang ma­­­tubag, daghan usab nga mga ta­linghaga sa iyang tinuod nga pag­­ka­tawo ang iyang mahibaw-an.

Gawas sa Pedro Penduko, si James Reid duna say gihimong movie karon kauban si Sarah Geronimo. Usa ka Filipino remake sa Korean film nga “Miss Granny”, susama kini sa pelikula ni Zac Efron nga “17 Again”.

Kon mao man gani ni ang dagan sa istorya, siguradong riot ni sa komedya kay ang Sarah mahimong lola, ay’g saba! 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph