11th Bulawan Festival giablihan sa Compostela Valley

NABUNTURAN, Compostela Valley -- Pormal nang giablihan ang 11th Bulawan Festival ug 20th Founding Anniversary sa lalawigan sa Compostela Valley niadtong Dominggo.

Gisugdan ang tinuig nga selebrasyon pinaagi sa Fun Run ug Duathlon sa Capitol Grounds, Cabidianan, Nabunturan, Compostela Valley.

Gaiblihan sab sa unang adlaw ang Trade Fair, Tribal Village ug Jewelry Expo.

Gipahigayon sab ang tree planting activity ug paglunsad sa ordinansa nga nagmugna sa man-made pocket forest sa Tree Park Area.

Gilingaw sab sa kabataan ang mga bisita sa DBC Competition nga gisalmotan sa mga magtutungha sa Elementary ug High School.

Sa gabii gilingaw ang katawhan sa Unity Concert kauban si Vhong Navarro ug Jong Hilario.

Nagkadaiyang mga mabulokon nga kalihukan ang ipahigayon sa kagamhanang panlalawigan ang paglingaw sa mga Comvaleño.

Lauman sab ang nagkadaiyang serbisyo nga itunol sa publiko sulod sa upat ka adlaw nga selebrasyon.

Motak-op ang selebrasyon karong Marso 8.

Hugot sab ang seguridad nga gipatuman sa Philippine National Police ug Armed Forces of the Philippines. (RSC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph