Hitman nadakpan sa Bukidnon

GIINGONG hitman ug tag-iya sa shabu tiangge didto sa kaulohan ang arestado niadtong niaging adlaw sa Barangay Sebole, lungsod sa Quezon, Bukidnon.

Giila ang dinakpan nga mao si Datumandog Boratong alyas Andog, 37, kinsa membro sa Boratong Drug Group.

Si Buratong ang giingong dako og papel isip hitman sa grupo ug suspek sa pagpamanhig sa usa ka polis niadtong Pebrero Feb 23, 2015 sa Sto Tomas, Pasig City.

Nadakpan si Buratong sa hiniusang pwersa sa Regional Intelligence Unit, Quezon Municipal Station ug Kitaotao Police Station ug uban nagkadaiyang unit diin ilang gisilbi ang warrant of arrest batok niini sa kasong murder nga giisyu ni Hon. Judge Danilo A. Buemio sa National Capital Region, RTC Branch 265, Pasig City.

Walay piyansa nga girekomendar sa korte sa kasong giatubang niini.

Si Buratong ang anak ni alyas Ama kinsa maoy nisunod sa iyang amahan human naaresto sab ang igsuon niining si Amin nga detinado karon sa National Bilibid Prison.

Ang igsuon niining si Amin maoy lider ug operator sa Shabu Tiange sa Mapayapa Compound Barangay Sto. Tomas didto sa Pasig City.

Nasayran nga daw nagpalamig kining suspek sa probinsya sa Bukidnon human sa pila ka tuig nga pagpangita niini.

Gibutyag ni Superintendent Lemuel Gonda, tigpamaba sa Police Regional Office, nga detinado na karon sa RIU-10 si Buratong ug gipreparar ang pagdala niini didto sa kaulohan karon panahona.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph