NAGPAHIMANGNO ang usa ka propesor sa Mindanao State University (MSU) ug lider sa Save Sulu Movement og laing pagsulong sa nag-unang kasiyudaran sa Mindanao, kon diin nagkompirma sa impormasyon sa padayon nga pagrekrut sa mga teroristang grupo nga nabilin sa napatay nga si Abu Sayyaf leader Isnilon Hapilon.
Si Professor Octavio Dinampo niadtong Lunes nanawagan sa Mindanaoans nga padayon nga magbinantayon batok sa plano sa mga teroristang grupo ni Abdullah Al Islamiah nga molusad og laing Marawi-like siege sa nag-unang kasiyudaran sa Mindanao.
Iyang gihisgutan ang Iligan, Cagayan de Oro, Cotabato, Davao, ug General Santos isip mga target nga lugar.
Si Dinampo nagsulti nga si Abdullah Al Islamiah padayon nga nagrekrut ilabi na sa unom ka mga munisipalidad sa Sulu- Jolo, Patikul, Indanan, Maimbung, Parang, Kalilangan Caluang, kon diin sila naglihok sa gabii kon diin mga sundalo nangatulog. Ang maong mga lugar nag-atbang lang nga mas dali alang sa grupo nga mobalhin sa usa ka lugar ngadto sa lain.
Matud niya nga dunay panginahanglan alang sa militar nga i-"take over" ang maong mga lugar aron nga makontrolar ang lihok sa grupo.
Dugang pa niya nga ang grupo karon gipangulohan ni Malaysian militant Amin Baku, ang mas senior terrorist leader ug posibleng mao ang emir human kang Hapilon.
"God forbids something is being cooked by this group," sulti niya ngadto sa mga tigbalita sa paghinabi niadtong Lunes. (PNA)