Mga PUJ paagion sa SRP

PLANO ni Cebu City Mayor Tomas Osmeña nga temporaryong paagion ang mga pampasaherong jeep sa Cebu South Coastal Road samtang gitrabaho pa karon ang underpass project sa N. Bacalso Avenue eskina F.Llamas St.

Apan sa di pa mapatuman, matod sa mayor nga kinahanglan pa siya nga makigtag­bo sa Cebu City Transportation Office ug sa Land Transportation Franchising and Regulatory Board 7.

Aduna usa’y dakong pangutana kon mapatuman ba kini tungod kay ang Siyudad anaa’y ordinansa nga nagdumili sa mga pampasaherong jeep nga moagi sa CSCR o sa South Road Properties.

Matod ni Osmeña nga dugay pa kon usbon ang maong ordinansa tungod kay ang Konseho kinahanglan pa nga modeklarar og state of emergency sa di pa mapatuman.

“The mayor can’t go against its own ordinance, except in an emergency. To pass an ordinance, it takes time, but the Council will just have to declare an emergency first then at the same time go through the process of formalizing,” matod ni Osmeña.

Dihang gisugdan ang pagtrabaho sa multi-billion underpass project, aduna’y parte sa N. Bacalso Ave., nga gisira ingon man ang mga pampasahero nga jeep gi-divert sa dan Sabellano human gisirhan ang agianan paingon sa dan F.Llamas.

Tungod sa kahagip-ot sa mga diversion road, nag-atubang karon ang mga suma­sakay og problema sa trapiko matag adlaw.

Gawas niini nga plano, una nang gi-anunsiyo sa mayor nga i-ban usab ang pribado nga mga sakyanan sa pag-agi sa parte sa N. Bacalso panahon sa peak hours.

“I have to sit down with our traffic people and hold a public hearing on that. Remember, it’s only during peak hours but as to exactly what time, I’m not an expert. Whatever we decide, its always reversible, we have to try different combinations on what we can do to relieve (the congestion).”

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph