NAHINUMDOM ba kamo niadtong mga duha ka mga magsuon nga mga overseas (seafarers) nga gipamusil sa wala pa mailhing mamumuno niadtong Enero 27 sa gabii sa F. Llamas ning dakbayan? Hangtod diay karon, wala pa mailhi ang suspek ug wala pay napasakaan og kaso. Nangayo pa og hustisya ang inahan sa mga biktima. Walay misaksi sa maong hitabo ug wala pa gyuy lead ang kapulisan kon kinsa ang naghimo sa maong krimen. Unang gidudahan nga fraternity war ang hinungdan o ‘love triangle’.
Ang managsuon nga Niel ug Nick Ong diha kalsada sa F. Llamas, Punta Princesa sa dihang gipamusil. Bag-o lang mikanaog gikan sa barko ang mga biktima.
Nakadawat ako og mail gikan ni Ginang Thelma Ong, ang inahan sa mga biktima nga hangtod karon nangayo pa og hustisya sa gidangatan sa iyang mga anak. Nanawagan siya sa publiko nga motabang kanila aron makabaton og hustisya.
u2018Matod pa ni Mrs. Ong; ‘I gave up my precious time with my two sons, Neil Brian and Nick Benzen Ong, when I worked overseas so I could provide them with a good future. They did not fail me.; both of them were seafarers and had a bright future ahead of them. But my sons were deprived of the life we planned for them when they were murdered last January 27, 2018 in F. Llamas, Cebu City by an unidentified gunman and his cohort. I may have given up that chance of spending time with them, but fighting for Neil and Nick’s justice is a fight I am not to give up.’
u2018Manghinaot ko nga matabangan ko ninyo og pangita og hustisya alang kanila. Magmalampuson lamang kini kon adunay mobarug kauban namo nga magmatuod sa krimen nga gibuhat ngadto sa akong duha ka mga anak. Kon aduna moy kaasayuran nga makapalambo sa kaso, palihug og PM sa Facebook page; Justice for Neil and Nick Ong’. Among buhaton ang tanan nga masiguro ang inyong siguridad.’
(Atong gipanawagan ang kapulisan nga lihuka pod tawon ninyo ning maong kaso. BGN).
(bobbygnalzaro@gmail.com)