Super Suroy: Mangape, magtuon ta sa public library

NAKADUNGOG na siguro mo nga nag-abli na ang labing una nga 24-oras nga public library sa nasod ug anaa kini sa Sugbo.

Ang Cebu City Public Library anaa kini mahimutang sa Rizal Memorial Library & Museum diin saulogon ang usa ka siglo niini sunod tuig.

Gitukod niadtong Abril 13, 1919 diin usa kini ka local branch sa National Library of the Philippines, hingpit na kini nga niabli og 24-oras niadtong Marso 9, Biyernes.

Usa sa nakapadasig ni Cebu City Mayor Tomas Osmeña kining hangyo sa usa ka tinun-an sa Cebu Institute of Technology - University nga si Mitch Roldan.

Ni-comment siya sa usa sa post sa mayor sa Facebook page niini ug gitubag usab kini sa mayor ang hangyo sud lang sa usa ka semana.

Gihimo usab nga honorary chief librarian si Roldan nga gitudlo mismo ni Osmeña.

Gawas sa main library nga anaa sa ubos nga bahin sa Rizal Memorial Library & Museum, aduna’y study center sa 2nd floor niini diin mao kini ang kaniadto ang Tourism Office.

Ang library gidagsa kini ilabi na sa mga tinun-an sa nagkadaiyang tunghaan diin abli kini sa tanan bisan paman sa mga residente nga gawas sa Cebu City.

Anaa kini mahimutang sa Osmeña Boulevard, Cebu City.

Kon ganahan ka nga mag­tuon nga mangape, siguroha nga masirhan imong butanganan kay di sila mosugot nga abli kini kay basin og mayabo.

Naay baligya sa library, tu­big ug kape apan plano nila nga motukod og pantry area diin mamahimo nga makapalit.

Lakip sa makit-an nimo sa library kining Filipiñana section, Chinese section, Children’s section, ug ang section alang sa media o kining aspiring journalists.

Yes, naay wifi ang library, ma­mahimo nga maka-connect.

Mamahimo nga mo-donate og libro apan aduna silay gisunod nga guidelines diin gusto nila kini bag-o nga libro.

Kon gusto ka og libre, niya kinahanglan ka nga mag-research o magtuon, bisitaha ang Cebu City Public Library sa Rizal Memorial Library & Museum karon na!

Fun Facts:

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph