ARON malahi atong pulutan, "trivia sa adlaw'ng 14" for today ang atong hisgutan. Hello sa tanan!
Ang pulong, "trivia" dunay tulo ka meaning. Una, gikan sa word nga "trivial" nga buot ipasabot, "ginagmay ug dili importanteng matang." Ikaduha, tulo ka dalan nga nagsugat (3 via kon agianan), ug ang ikatulo, mao ang ginagmay nga detalye ug panghuna-huna. Kining ikatulo nga klase sa trivia (gagmay'ng detalye) mahitungod sa numerong, "katorse" kun "14" ang atong chickahan.
Ang "14" natural nga numero nga gipatungaan sa ihap nga "13" ug "15." tungod "bulok" ko sa math, mao ra sa kini ang akong masulti. Hisgutan nato kung unsa numerong katorse sa ubang subject.
Sa chemistry, mao kini ang atomic nga gidaghanon sa silicon, ang gibanabanang atomic nga timbang sa nitroheno ug ang maximum nga gidaghanon sa mga elektron nga mahimong mosibo sa usa ka f sublevel. Makasunggo pod diay ning mga detalye.
Sa astronomiya, ang Messier nagtumong sa M14, usa ka magnitude 9.5 globular cluster sa konstelasyon nga Ophiuchus. Mao pod kini ang bag-ong kinatibuk-ang Catalog sa NGC 14, usa ka magnitude nga 12.5 nga irregular nga galaksiya sa konstelasyon nga Pegasus. Sa pagkatinuod, wala kaayo ko niini nakasabot hu hu! Abi ko sa math ra lisud sayron ang mga impormasyon sa numerong, "katorse" labaw pa diay sa science he he!
Sa Kristiyanismo, sumala sa Ebanghelyo ni Mateo "dihay napulo'g-upat ka kaliwatan sa tanan gikan kang Abraham hangtud kang David, ug napulo'g-upat gikan kang David hangtud sa pagkadestiyero ngadto sa Babilonya, ug napulo'g-upat gikan sa pagkadestiyero ngadto sa Mesiyas". (Mateo 1, 17)
Katorse pod ang gidaghanon sa mga Stations sa Krus. Napulo'g-upat nga mga Martir sa Prague mga Franciscan nga mga monk nga gipatay sa rabble sa Simbahan sa Our Lady of the Snows ug sa monasteryo sa panahon sa mga away alang sa Balaan nga Romanhong korona tali sa mga igsuong Rudolf II ug Matthias Hapsburgs niadtong Pebrero 15, 1611 ug gibunalan niadtong 2012, ug uban pa.
Sa Mormonismo, mao kini ang edad ni Joseph Smith sa dihang iyang nasaksihan ang Unang Panan-awon samtang sa Islam, 14 ang gidaghanon sa Muqatta'at sa Quran. Sa Hinduismo, gidaghanon sa mga tuig sa pagkadestiyero ni Rama sa mga kalasangan sa Hinduismo, ug sa Mitolohiya, ang gidaghanon sa mga piraso sa lawas ni Osiris gibanlas sa iyang fratricidal nga igsuon nga si Set. Sa tinuod lang wala koy nabati nga koneksiyon niining gipangsaysay nako nga mga impormasyon- pasayloa.
Sa edad, 14 ang labing una nga pagpalingkawas sa mga bata sa kontrol sa ilang mga ginikanan sa Amerika ug Australia nga gitugotan sa ilang mga ginikanan. Matugotan pod sila nga mopalit, mag-abang, ug motan-aw'g mga salida nga walay mga ginikanan sa nasud Canada.
Mao pod kini ang minimum nga gidugayon sa edad nga magdala sa usa ka 50cc nga motorsiklo sa Italya samtang ang 14 nga edad sa Europe makabaton na'g kriminal nga responsibilidad.
Sa isports nga golf, ang usa ka player mahimong adunay dili mokapin sa 14 ka klab sa bag samtang sa rugby union, numero kini nga masuwat sa t-shirt sa pundok sa mga player. Kung hisgutan pa nato ang ubang natad, basi'g maabtan ta'g ugma, mao, pipila lang ang isaysay nako sama sa: ang 14 ang gidaghanon sa mga adlaw sulod sa duha ka semana, ug sa Britanya, tradisyonal nga mga yunit kini sa timbang diin ang gidaghanon sa mga libra sa usa ka bato.
Sa katapusan, akong kalipay nga niadtong petsa kini sa Marso, giselebrar sa among pamilya ang ika-14 nga birthday sa akong nag-inusarang anak nga si Qym. Ang paghisgot nako niini usa lamang sa akong pamaagi sa pagpasalamat sa Ginoo sa pagsustinar niya kanamo.
Seguro uban kaninyo, petsa kini sa inyong anibersaryo sa kaminyuon o uban pang mahinungdanong okasyon sa inyong kinabuhi.
Anyway, dako pod akong pasalamat sa maong adlaw kay ubay-ubay pod ang nakigduyog sa among kita diin nasurprisa ang akong pinalanggang anak. Mao ra. Sunod na pod ta chicka. See ya!